茶茶台式料理 (已結業)

之前去台灣有食過一次，估唔到香港都有得食。咁耐冇得去台灣旅行，梗係要食佢回味下啦。店舖非常整潔，一入門口就有一個手搖飲品吧，好有台灣嘅感覺。呢度除咗台式火鍋，仲有好多唔同嘅台式料理。茶茶麻辣火鍋🌶火鍋嘅配料超豐富，有肥牛、花枝丸、顯，仲有好多唔同種類嘅蔬菜同公仔麵。麻辣湯底好香濃，辣得來好過癮。加$15仲可以追加滷肉飯，超大碗，勁抵。台灣牛肉麵🐮牛肉份量都幾多，肉質比較瘦，食落唔會膩。而且湯底非常濃郁，忍唔住飲晒成個湯底。奶蓋茶茶8號加仙草呢度嘅手搖飲品都非常出色，茶味香濃，奶蓋玩得來帶少少海鹽既味道👍🏻👍🏻👍🏻埋單唔使$300 ，值得推介。