影片
更多
2021-05-14
253 瀏覽
海港城 Da Filippo Trattoria 米芝蓮星廚坐陣呢間餐廳來頭唔細！一月左右開幕到依家都要排長龍！梗係啦，有米芝蓮星廚坐陣，同埋喺海港地城黎講，佢既價錢真係屬比較親民，可能同佢「正宗傳統意大利人的家庭味道」賣點有關？我地嗰日六點幾去到彩仲未要等位，好快店員就帶我地坐低，望望餐牌，嘩，呢個價真係食到米芝蓮？真係！真係食到呀📍經典法式洋蔥湯 $78呢個洋蔥湯用好長時間炮製先可以洋蔥既精華都全溶入湯裡，所以洋蔥味超香，再配埋香脆麵包粒同熱溶芝士，好惹味！📍香脆八爪魚 $168 八爪魚外皮炸到酥脆，入口口感彈牙爽口，加埋煙燻辣椒橄欖就更加惹味📍特濃野菌燉飯 $168 燉飯口感綿密，飯身軟硬度適中，菌味好重，飯內同飯面都有不少不同種類嘅菌類，令每啖嘅口感同味道都有所不同。📍海鮮盛宴薄餅 $198薄餅餅皮係手工搓製，香脆煙韌有咬口，加左茄汁都仍然保持口感，上面鋪滿蜆，青口，魷魚等等海鮮 超正！龍蝦全日早餐賣相精美，而入面用料非常豐富，有香脆嘅薯餅，清新爽口嘅煙三文魚沙律，經過香煎嘅蕃茄仔，滿滿牛油香嘅酥脆牛角包，嫩滑質感嘅炒滑蛋，油香豐溢嘅煙肉同腸，經常全日早餐都會出現嘅茄汁豆同埋唔
呢間餐廳來頭唔細！一月左右開幕到依家都要排長龍！梗係啦，有米芝蓮星廚坐陣，同埋喺海港地城黎講，佢既價錢真係屬比較親民，可能同佢「正宗傳統意大利人的家庭味道」賣點有關？
我地嗰日六點幾去到彩仲未要等位，好快店員就帶我地坐低，望望餐牌，嘩，呢個價真係食到米芝蓮？真係！真係食到呀
📍經典法式洋蔥湯 $78
呢個洋蔥湯用好長時間炮製先可以洋蔥既精華都全溶入湯裡，所以洋蔥味超香，再配埋香脆麵包粒同熱溶芝士，好惹味！
📍香脆八爪魚 $168
八爪魚外皮炸到酥脆，入口口感彈牙爽口，加埋煙燻辣椒橄欖就更加惹味
📍特濃野菌燉飯 $168
燉飯口感綿密，飯身軟硬度適中，菌味好重，飯內同飯面都有不少不同種類嘅菌類，令每啖嘅口感同味道都有所不同。
📍海鮮盛宴薄餅 $198
薄餅餅皮係手工搓製，香脆煙韌有咬口，加左茄汁都仍然保持口感，上面鋪滿蜆，青口，魷魚等等海鮮 超正！
龍蝦全日早餐
賣相精美，而入面用料非常豐富，有香脆嘅薯餅，清新爽口嘅煙三文魚沙律，經過香煎嘅蕃茄仔，滿滿牛油香嘅酥脆牛角包，嫩滑質感嘅炒滑蛋，油香豐溢嘅煙肉同腸，經常全日早餐都會出現嘅茄汁豆同埋唔少得我哋嘅主角，肉質彈牙爽口嘅龍蝦啦！
意式冰糕
入口融化咖啡味濃郁嘅冰糕，表面鋪滿左朱古力碎，配以伴碟嘅百利白朱古力醬，喜歡朱古力或者咖啡嘅你，實在不容錯過～
我地仲叫左兩杯mocktail
📍Purple rain $78
係檸檬加埋椰青水同埋薰衣草，所以好清新，但顏色就同我想像有啲落差haha! 有啲淺色個紫色
📍From miles away $78
百香果汁加菠蘿汁，果味濃郁香甜，好有夏日嘅感覺
張貼
