和牛燒肉一郎 (新都城中心二期) (已結業)

B餐 $448 / 人今日係將軍澳食間超期待嘅和牛燒肉放題，我哋係揀左B餐，閒日$448一個人再加一。坐低冇幾耐，店員就拎左個舟。盛合+桶。盛合比我哋，上面有海鮮，幾款特選肉類同蔬菜，隻船好靚，快手打個卡跟著就燒肉食。桶。盛合就雞牛豚肉各有少少，好精美。不得不提就係餐廳係用手機QR code 落order，之後上菜係用餐廳中心一架列車送餐，到站嘅時候會有音樂提醒，記得拎用閂返門。我地再order左壽喜燒牛肉，一片好大片嘅牛肉，燒熟後要沾滿壽喜燒蛋汁食，呢個十分推介！雖然牛肉本身質素已經係好好，但再加埋壽喜燒蛋汁，簡單諗起都流口水。其實B餐已經好夠食，總共102款可供選擇，除咗燒肉之外，仲有熟食，牛肉他他，麵類，等等。特別係餐廳有爆谷食，過下口癮一流。雪條方便有幾款日本嘅雪條，味道都好唔錯。Overall黎講列車送餐好方便好好玩，而且店員服務態度都唔錯，食物質素都唔錯，食足120分鐘，CP值都唔錯，下次有機會試下C/D餐先。