一遊

營業中

休息中

估唔到尖沙咀諾士佛臺會有一間裝修咁日式嘅樓上日本餐廳。 一入到去已經好似置身日本嘅居酒屋。行到最入，仲有仿照日底庭園設計加和室，像真度極高，好似去咗日本。以解喺疫情下冇得去日本旅行嘅苦悶。大根比目魚配白飯白蘿蔔蓉去煮呢個比目魚，比目魚非常新鮮滑溜，超有魚味。亦唔會覺得好膩同油。超清新嘅配搭再加埋白飯同麵豉湯，非常滿足。日式柚子汁配海鮮沙律入面有三隻刺身蝦、蒟蒻粉絲、新鮮生菜，再配上柚子汁, 帶出所有食材嘅新鮮鮮味。刺身三點拼壽司六件六件壽司嘅刺身都非常之新鮮，刺身嘅口感亦都非常爽滑。無論外觀定食落口都非常讚！日式樓上鋪來講真係非常出色。巨峰提子梳打真係巨峰提子味，唔係藥水味。唔會話俾梳打水搶咗巨峰提子味。飲落亦唔會過甜。