The BASE nature (已結業)

近排食滯左，做完運動行左陣街，去到餐廳想簡啲無咁飽肚既餐食下，一號餐牛舌串燒加個太陽蛋珍珠米，好似最清清地，但係我加左45蚊要晒湯，沙律，蛋糕，好好味，無加錯。牛舌串燒個牛舌好香，又林，估唔到咁好食，而且我好喜歡食牛舌，十分滿分!👍👍👍太陽蛋珍珠飯啲蛋液都好香口，不過香港人食太陽蛋飯，我覺得爭咁幾滴鼓油😂😂配左杯凍雪梨茶，好潤喉，近排成日乾咳，飲完好似滋潤左好多咁。個湯係南瓜湯，好香南瓜味，好好飲。朱古力蛋糕佢地仲每枱都有支薄荷葉水你自己斟，都幾方便。地方大，坐又舒服，望出去啲風吹下吹下啲樹，係度坐下都幾寫意，唔覺意係度坐左兩個鐘。