鳥棲日本料理 (已結業)

因為男友想去駱駝漆買足球鞋，順便就係呢邊食個飯途經呢間日本料理餐廳 覺得環境都幾別緻 入面全部都係绒毛梳化😍店員安排左我地係最角落位置 夠曬寧靜仲有咕𠱸可以挨住 真係估唔到係間普通餐廳都可以咁嘆❤️❤️食物種類都好多 不過就無供應刺身壽司 主打和食 做到好似居酒屋咁主菜先黎個鰻魚炒飯甫上菜 已經被原條鰻魚吸睛左醬汁咸度岩岩好 炒飯都炒得粒粒分明呢個牛肉烏冬 欣賞佢上菜時唔係全熟客人可以自己浸熟d 定就咁食烏冬係採用稻庭既 唔會浸耐左 就發到糊開曬湯汁似係壽喜燒既淡味版 呢個炸雞籃 一共有6件左右炸得好酥脆 咬開外層 會見到入面仲噴緊煙入面係實在既肉 肉質好嫩 唔會好乾好鞋飲品方面呢個雲尼拿牛奶 好好飲 唔會太甜上面既雲尼拿做成泡沫 仲係上面拉花好有心機呢個幾特別 入面有個閃光體 做成冰既形狀放係飲品之中 會不斷變色上面係雪糕 下面係波子汽水都幾特別成餐都好舒服 坐到唔捨得走 下次會再同朋友黎食