影片
更多
2021-12-25
1425 瀏覽
依家真係好興食台式火鍋 特別係開始天氣凍嘅日子食火鍋好暖好滿足 成日見到IG啲朋友都食牛大人 雖然同女友都食過幾次 但係見到啲相又流晒口水 今次我哋又食啦 入到去第一時間會係揀湯底先 款式特別多又多選擇 而且個個都好吸引 有清有濃有養生有辣嘅 我哋嗌咗一個台灣香濃蕃茄湯 蕃茄微酸甜味特別濃 唔濃稠 打邊爐做個湯底相當唔錯 配料好入味 如果想食多個湯底可以另外在加$48要鴛鴦鍋 之後就開始落單 任食火鍋可以用電話落單係超方便同慳時間 特別係朋友都想一齊點 同一枱都可以同時點單 店內有Wi-Fi提供 Wi-Fi密碼好易見到 用落十分流暢 今次我地要嘅係極上和牛吃到飽 基本係所有食材、肉都食到 當然唔包一啲收費項目😂😂 不過打邊爐 我哋鐘意食啲質素好嘅牛嘅 以前去過啲餐廳牛唔靚嚡口成程都食得唔開心，完全無心情無胃口食落去 呢度牛嘅種類、部位、唔同質素都多選擇 食晒咁多款牛碟碟都好新鮮，特別推介美國prime極級肩里肌，超好食，冇牛肉嘅腥味，口感肉質軟嫩。仲有唔同款嘅台灣小食 有甘梅番薯 皮蛋豆腐 台灣腸 鬼馬老油條 唔係其他火鍋店可以搵到 疫情咁耐冇得旅行 街邊嘅台灣小食一份都好貴 想食幾
入到去第一時間會係揀湯底先 款式特別多又多選擇 而且個個都好吸引 有清有濃有養生有辣嘅 我哋嗌咗一個台灣香濃蕃茄湯 蕃茄微酸甜味特別濃 唔濃稠 打邊爐做個湯底相當唔錯 配料好入味 如果想食多個湯底可以另外在加$48要鴛鴦鍋
之後就開始落單 任食火鍋可以用電話落單係超方便同慳時間 特別係朋友都想一齊點 同一枱都可以同時點單 店內有Wi-Fi提供 Wi-Fi密碼好易見到 用落十分流暢
今次我地要嘅係極上和牛吃到飽 基本係所有食材、肉都食到 當然唔包一啲收費項目😂😂 不過打邊爐 我哋鐘意食啲質素好嘅牛嘅 以前去過啲餐廳牛唔靚嚡口成程都食得唔開心，完全無心情無胃口食落去 呢度牛嘅種類、部位、唔同質素都多選擇 食晒咁多款牛碟碟都好新鮮，特別推介美國prime極級肩里肌，超好食，冇牛肉嘅腥味，口感肉質軟嫩。
仲有唔同款嘅台灣小食 有甘梅番薯 皮蛋豆腐 台灣腸 鬼馬老油條 唔係其他火鍋店可以搵到 疫情咁耐冇得旅行 街邊嘅台灣小食一份都好貴 想食幾啖止下口痕 都唔係好捨得買 呢度嘅小食啱晒我哋心水
而呢度打邊爐要嘅配菜例如炸過嘅午餐肉、鴨血、山水豆、海蝦、沙白、牛肚（滷水相當正）等等都可以嗌，自取配菜區亦都有唔同嘅蔬菜、炸芋頭、南瓜、冬瓜、木耳、牛柏葉、蜂巢豆腐、各類肉丸等等都可以自取，除咗打邊爐唔少得嘅烏冬，仲有台灣正宗嘅王子麵、雞絲麵同滷肉飯。
呢度除咗坊間見到嘅台式紙包、罐裝飲品，仲有幾款唔同嘅冷泡茶，我同女友最愛白桃烏龍茶，邊食邊消滯，可以有胃口繼續食😂
我哋都嗌左碗燒酒飲，小酌一下😍
整體來講，牛大人真係性價比好高嘅火鍋餐廳，除咗食物新鮮、好食、多選擇同具特色之外，點樣嘅服務態度都好好，環境整潔光線充足坐得又舒服。
張貼
