影片
更多
2019-10-01
339 瀏覽
今日天氣好好, 好似唔關事? 其實今日係一個好特別既日子, 點特別就唔係重點, 特別既係黎左宜間UO n食飯!宜間店舖係主打新派既日式fusion菜, 食完之後原來發現所認識既OMAKASE係好唔同! 入到黎個裝修都幾骨致, 起碼食野都開心D一Order完就上左兩杯野飲, 一杯係清酒mix蘋果汁, 一杯櫻花茶, 本人就唔太好酒, 但飲落係好重蘋果汁味而帶出淡淡既酒香, 所以係可以接受!而櫻花茶就係聞落有味飲落就唔係好覺, 宜D唔通就係意境@@NO 1_煙燻蛋配鴨胸一開頭都係以為係普通既鵪鶉蛋加個鴨胸, 但食落個鴨胸完全唔係平時食倒果隻, 佢係煙燻味香得黎個鴨胸係好軟淋淋而且充滿左油香, 堅係好食NO 2_AVACADO 他他宜個一睇以為係成個wassabi, 其實係牛油果他他, 將牛油果打成泥再加埋wassabi, 再連埋刺身一齊食. 可能本身唔食wassabi, 感覺有些少攻鼻, 唔緊要, 因為個刺身真係同平時排哂隊既連鎖店差好遠, 食落口係有油脂既香味再加上係好有口感, 唔似果D解凍得耐出哂水無口感既刺身NO 3_桃with豆腐汁豆腐汁? 真係見識少第一次聽. 但原來係同溶左既豆腐
宜間店舖係主打新派既日式fusion菜, 食完之後原來發現所認識既OMAKASE係好唔同! 入到黎個裝修都幾骨致, 起碼食野都開心D
一Order完就上左兩杯野飲, 一杯係清酒mix蘋果汁, 一杯櫻花茶, 本人就唔太好酒, 但飲落係好重蘋果汁味而帶出淡淡既酒香, 所以係可以接受!而櫻花茶就係聞落有味飲落就唔係好覺, 宜D唔通就係意境@@
NO 1_煙燻蛋配鴨胸
一開頭都係以為係普通既鵪鶉蛋加個鴨胸, 但食落個鴨胸完全唔係平時食倒果隻, 佢係煙燻味香得黎個鴨胸係好軟淋淋而且充滿左油香, 堅係好食NO 2_AVACADO 他他
宜個一睇以為係成個wassabi, 其實係牛油果他他, 將牛油果打成泥再加埋wassabi, 再連埋刺身一齊食. 可能本身唔食wassabi, 感覺有些少攻鼻, 唔緊要, 因為個刺身真係同平時排哂隊既連鎖店差好遠, 食落口係有油脂既香味再加上係好有口感, 唔似果D解凍得耐出哂水無口感既刺身NO 3_桃with豆腐汁
豆腐汁? 真係見識少第一次聽. 但原來係同溶左既豆腐雪糕差不多, 但係多左一種濃厚香滑既質感, 入口係桃味行先而豆香味慢慢出黎, 不俗-------------------分隔線--------------------
唔好以為真係得條線, 前菜食完店員係會拎一杯海草沖既茶, 目的係用黎浪口, 飲落係咸咸地, 同沖鹽水飲係無嘜分別
-------------------分隔線--------------------
NO 4_三色魚籽配刺身 蝦膏汁
宜個係本人重點推介之一, 個刺身真係好食, 有口感之餘係丁點腥味都無, 而已仲有好鮮既味道! 個汁真係不得不提, 其實佢已經係濃到唔係叫"汁"而可以叫做醬, 個汁真係好濃好濃既蝦膏味, 我敢講除非你唔食蝦, 唔係既話一定會奶埋隻碟呀XD另外個三色魚籽, 唔通係聽左劉華講真係一罐罐咁上? 哈哈!
講真係連我鍾意重口味既人都覺得有少少咸既, 不過可能係本身魚籽係咁, 所以無咩深究, 但將刺身加汁連魚籽食係中和返既! 最後係有同店員反映一下係咪可以減低少少咸度.
NO 5_反轉再反轉羊肉木魚絲湯
個湯睇落好似細個做實驗既儀器, 其實係好似咖啡咁, 將準備好既羊肉湯加熱, 令到熱湯由下向上咁沖去木魚絲既懐抱, 就好似肥仔聰對蛋既執著一樣, 你同我都係阻止唔倒. 而佢就係比店員熄火果一刻就停左, 將熱湯倒入去一早準備好既羊肉片同埋蘆筍, 熱湯飲落有淡淡既羊味, 而羊肉因為係"生滾"既關係, 熟度岩岩好NO 6_違例泊車牛肉堡
張牛肉乾係堅係食得, 但一定要包埋個牛肉扒食, 如果唔係就可能會覺得有D咸NO 7_海膽飯
有無覺得D海膽好似.............核桃? 海膽係新鮮無苦味, 不錯的. 同上, 個包裝係可以食落肚嫁!NO 8_咸魚白菜
有名比你叫咸魚白菜, 真係用菜包住舊馬友同飯, 唔洗多講, 之後句歌詞係咩? "也好好味"呀嘛NO 9_糯米飯配蟹膏
宜個係本人重點推介之二, 因為真係好好好食, 個糯米飯真係一流, 個叔叔店員話係用上湯去煮, 食落係好似意大利飯咁, 口感係淋淋地, 但個味度真係一流, 再加埋白色果枝其實係蟹膏, 食既時候將蟹膏吱落去舊飯到, 一齊食果下真係超正, 有淨既蟹膏可以都吱埋出黎食唔好浪費呀!NO 10_慢煮鵝肝配鍋巴 醬油汁
鵝肝可能係因為慢煮既關係, 食落口原全係好滑好滑, 而且唔知係咪加左檸檬汁去煮, 有種好清香又酸酸地既味道. 軟滑鵝肝配上扑扑脆既鍋巴, 相映成趣.NO 11_一柱挈天吞拿魚飯
個飯就幾好食, 但我反而鍾意黃色果舊脆肉瓜, 堅係脆而且酸酸地, 好食NO 12_脆皮饅魚飯
宜個係本人重點推介之三, 個皮真係脆到飛起, 我捉左個姨姨問, 原來係即叫即燒, .....真係好味到暈NO 13&14_菠蘿雪芭, 提子梳打 香蕉泥配膠原jelly
個雪芭酸酸甜甜咁, 都幾好食提子梳打都幾好飲
重點係最後宜個, 香蕉泥真係好濃郁既香蕉味, 好食. 而最特別既係係底既jelly, 姨姨話係用魚鱗整嫁!!咁大個係第一次食, 食落係同jelly無咩分別而最大分別, 就係佢有滿滿既膠原, 貪靚既你點可以錯過!
張貼
