成都老碼頭火鍋 (已結業)

今日喺太子做完嘢，想打邊爐，再次光臨重慶老碼頭火鍋， 佢嘅裝修又去咗重慶嘅感覺。 來到老碼頭火鍋當然揀佢嘅重慶麻辣湯底，麻香辣好balance，真係食到停唔到咀仲有佢的調味部份，好似國內，有麻辣火鍋的香油一罐罐，好友重慶風味。今日配料菠菜墨魚滑 （平時食墨魚滑或者蝦滑就食得多，菠菜墨魚滑都係第一次食，成個感覺粉綠色好靚望到都好想食）桂花蚌 （餐廳選擇食物方面都有桂花蚌同珊瑚蚌可以選擇，識食嘅我桂花蚌啦）竹笙（唔係太好食肉類牛肉豬肉雞肉嗰啲，每次食麻辣嘢都好大機會會整個竹笙，清清地，但係索晒個湯底好入味）乾貢菜 （你到老碼頭火鍋我必推介嘅菜類別一定係降共菜，呢款菜真係打邊爐太好食，而且去其他地方好難食到，我都係去呢間餐廳先食到呢個菜，平時去其他地方打邊爐都冇呢款菜可以點）沙白蜆（佢哋所有嘅海產類都清洗得好乾淨同新鮮，打邊爐蜆可以話係必須！）豬潤（豬潤滑嘟嘟，滾熟即食，唔好過時滾太耐就好～）總結樣樣配料都好新鮮，再次光臨一樣保持到水準。