貴族甜品 (埃華街)

營業中

休息中

食完飯散步心血來潮想食糖水, 其實上次已經食過貴族甜品, 覺得好難食, 只係大角咀平價糖水鋪唔多, 要多走一段路先有, 懶, 唔想行。入到去, 好full, 心諗事隔一年, 應該有進步吧, 否則點會咁多人? 真係好難食!!!!豆花紅豆雪米糍.. 先講主角豆花, 係唔滑兼鞋口嘅, 可以判死刑。雪米糍好差, 我覺得維記仲好食過佢, 至少塊皮煙韌過佢! 另外叫咗個仙草雪米糍, 冇乜特別.. 今時今日咁嘅質素..... 我為佢擔心, 亦唔會再比機會佢, 再會。