隱町 (馬頭圍道) (已搬遷) 新店位置

太子隱世出名串燒店經過好幾次，喺一條小巷入邊，但舖頭實在太少位，超級超級難book，竟然比我等到土瓜灣開分店🥰真係要慶祝，仲要近屋企，同肥仔終於有機會嚟到食飯我哋真係食咗好鬼多嘢😂等我介紹自己最鍾意果D～山葵八爪魚🐙八爪魚口感爽脆，清新但帶D微辣，自己吾鍾意山葵，吾知點解食吾停。溏心蛋天婦羅🥚出面薄粉醬包住，蛋黃半流心，每邊有幾粒魚籽一齊食，油脂爆開，多層次口感。免治雞肉棒😝每次去食串燒都必點。雷魚一夜干我係超級推薦❤️❤️ 雷魚無鱗，小骨少，重點係魚骨都整到脆，可以成條食落肚牛舌心厚切肉片，口味爽口滑嫩，勁鍾意個口感。手羽先一咬D煙噴哂出黎，少少甜，調味吾會很重☺️你一定會鍾意。鹽燒雞肉串，雞肉表面微焦脆，雞肉嫩滑，單係鹽燒已經好好味。蔥香牛肉蔥卷，輕微難咬，但超級多肉汁❤️大愛椒鹽五花腩青瓜絲好特別，青瓜絲同椒鹽味係咁夾😳吾dry要試。燒煙燻宮崎腸有D似台灣腸。酒盜芝士枱枱都叫🥰都幾鹹👍魚既內臟漬物混合忌廉芝士同餅乾一齊食飽到不得了！好鍾意呢到😍肥仔話想去太子原祖店食