築地銀だこ (MONTEREY Place) (已結業)

呢間主打食章魚燒，可以喺店舖門口見到職員即時整緊啲章魚燒，香噴噴，聞到好吸引，所以決定嗌個套餐黎試下。套餐有大阪燒，章魚燒，仲另外配左一杯抹茶飲品。另外仲有唔同嘅套餐可以選擇，例如有炒麵，每一道菜都有唔同嘅配搭組成套餐，或者甜品等等，所以總有一款係啱食架😍大阪燒屬於水準之作，入邊有好多椰菜，亦都唔會好似得一堆粉咁樣。章魚燒都好好味，唔會中間空心，而且粒粒都有章魚。抹茶都唔錯，加埋鮮奶應該更好飲。