築地銀だこ (MONTEREY Place) (已結業)

呢間主打食章魚燒，可以喺店舖門口見到職員即時整緊啲章魚燒，香噴噴，聞到好吸引，所以決定嗌個套餐黎試下。套餐有大阪燒，章魚燒，仲另外配左一杯抹茶飲品。另外仲有唔同嘅套餐可以選擇，例如有炒麵，每一道菜都有唔同嘅配搭組成套餐，或者甜品等等，所以總有一款係啱食架😍大阪燒屬於水準之作，入邊有好多椰菜，亦都唔會好似得一堆粉咁樣。章魚燒都好好味，唔會中間空心，而且粒粒都有章魚。抹茶都唔錯，加埋鮮奶應該更好飲。

真心覺得築地整嘅章魚小丸子係全港最好之一，皮脆熱辣辣配埋燒汁沙律醬同木魚非常享受，最重要章魚夠足料大粒，丸就唔會咬落一劈粉，另有其他味道可供選擇. 不過呢佢哋飲品就麻麻飲過一次不會回頭.

Donki喺熟食檔嘅時候有一間即叫即整嘅章魚燒，好多人都想食啲熱嘢關係都會揀呢一間嚟食佢有唔同嘅大阪燒同章魚燒俾你揀，原味嘅就$48 8粒，芝士明太子就$52 8粒咁貪心嘅我，我就梗係揀芝士明太子味即叫即整，佢將八粒擺落個兜之後，再淋上芝士碎同埋明太子醬，佢每一粒都好大粒，裏面有啲蔥有章魚，都幾有咬口，因為粒野好熱嘅關係，芝士只係擺咗上面一陣就已經溶咗所以食嘅時候都有拉絲，配明太子醬好好食下次試大阪燒，或者試埋佢個餐

今日到將軍澳看電影，順道到築地銀だこ吃章魚燒🐙 www章魚燒即叫即製，等待15分鐘就有新鮮又酥脆的章魚燒了！玉子照燒醬章魚燒 🌕🌕🌕🌕🌕 50hkd面層有大量的碎蛋沙律醬、紫菜碎及鰹魚碎。醬汁甜甜的，蛋味濃郁之餘，口感又好。章魚燒外脆內軟，整粒都熱辣辣，皮薄之餘，每粒內餡都有蔥、紅酸薑、麪酥、大大粒章魚🐙粒，層次豐富之餘，麪酥亦使餡料更軟嫩。芝士明太子章魚燒 🌕🌕🌕🌑🌑 52hkd章魚燒的根底都是一樣的。只是表面的醬汁換成了芝士碎及明太子醬。芝士碎吃起來粉粉的，芝士味淡，明太子醬的存在感亦十分薄弱。這款章魚燒的表面沒有加上鰹魚碎。味道 🌕🌕🌕🌕🌑環境 🌕🌕🌕🌑🌑包裝 🌕🌕🌕🌑🌑性價比 🌕🌕🌕🌕🌑回頭率 🌕🌕🌕🌕🌕💰二人享用，人均消費51hkd

呢間喺Donki 2樓，賣章魚燒同埋鐵板炒面，炒麵就還好，章魚燒係我食過最好食嘅一間🙌👍👍👍原味都唔錯，明太子醬同埋蛋沙律醬就更加好食，非常足料而且章魚燒都係即叫即整，熱辣辣夠晒新鮮，服務態度好好，有次去食嘅時候叫咗明太子醬唔小心比錯咗蛋沙律醬，同店員講咗之後店員直接比多埋一堆明太子醬 🤣

之前已經好鍾意食呢間嘅章魚燒，知道佢開咗喺將軍澳Donki入面，以後唔駛搭車出去食，真開心！佢哋嘅章魚燒真係好正宗，同日本食到嘅一樣。新鮮整起熱辣辣脹卜卜，外皮金黃酥脆，內軟入口爆漿，裡面嘅章魚粒大大粒，口感彈牙，加左蔥花更加香。醬料除咗一般嘅燒汁、蛋黃醬和木魚碎，呢款新口味仲加咗明太子醬，食落味道更豐富！

呢間章魚燒係我嘅童年回憶💫💫💫記得以前細個補完習就係同阿媽一齊食依間嘅章魚燒做下午茶返鄉下玩嘅時候又會點都食一次依家次次經過呢間都一定會買黎食🤣🌟原味章魚燒🐙（$25/4粒）都做到皮脆內軟如果嗰皮再脆多少少就更好今次唔知係咪師傅忙得制唔記得落子薑😂所以冇左我唔鐘意嘅薑味好開心🤣不過入面粒八爪魚饀細左少少之前食過其他分店同日本食到嘅比較似🤔依間就差少少不過同出面其他章魚燒比已經好食好多最緊要都係頂吓返鄉下嘅癮同埋搵返我嘅童年回憶🤓