影片
更多
2012-01-15
5 瀏覽
我第一次去食係因為團購左coupon,內容大致如下:$68嘆Absolute Burger星級安格斯牛肉漢堡+脆脆炸雞翼+薯條一客+汽水一杯,同你既朋友仔食完Burger,仲可以坐低慢慢傾計,玩玩飛鏢,三重享受!!!!(原價$124)特別提示1.開始生效日期2011年11月15日至2012年2月15日2.此優惠於2011年12月24-26,31日及2012年1月20日至25日不適用3.每人可購買多張4.每次可同時使用多張優惠劵5.優惠劵適用於星期一至星期日中午十二時至晚上八時6.此優惠需於換領時須註明為SOBUYSOGROUP會員及出示優惠劵7.此優惠不可兌換現金或找贖8.Absolute Burger 保留此優惠最終決定權首先 一去到 佢話無位 但餐廳情況係咁:我同佢講 明明coupon上面都無寫要book 佢大大聲話:下 咁今日星期六 唔book無位wo!!!!!如果係咁就一早寫明啦!!!!!!!!!!!!!仲係coupon大大隻字話同你既朋友仔食完Burger,仲可以坐低慢慢傾計,玩玩飛鏢根本都無得坐!落order個陣 佢問我要雞定魚 我下左一下 佢再問(無禮地):個包要雞定魚呀
我第一次去食係因為團購左coupon,內容大致如下:
$68嘆Absolute Burger星級安格斯牛肉漢堡+脆脆炸雞翼+薯條一客+汽水一杯,同你既朋友仔食完Burger,仲可以坐低慢慢傾計,玩玩飛鏢,三重享受!!!!(原價$124)
特別提示
1.開始生效日期2011年11月15日至2012年2月15日
2.此優惠於2011年12月24-26,31日及2012年1月20日至25日不適用
3.每人可購買多張
4.每次可同時使用多張優惠劵
5.優惠劵適用於星期一至星期日中午十二時至晚上八時
6.此優惠需於換領時須註明為SOBUYSOGROUP會員及出示優惠劵
7.此優惠不可兌換現金或找贖
8.Absolute Burger 保留此優惠最終決定權
首先 一去到 佢話無位 但餐廳情況係咁:
我同佢講 明明coupon上面都無寫要book
佢大大聲話:下 咁今日星期六 唔book無位wo!!!!!
如果係咁就一早寫明啦!!!!!!!!!!!!!仲係coupon大大隻字話
同你既朋友仔食完Burger,仲可以坐低慢慢傾計,玩玩飛鏢
根本都無得坐!
落order個陣 佢問我要雞定魚
我下左一下
佢再問(無禮地):個包要雞定魚呀
我話:唔係安格斯牛肉漢堡咩
佢話無wo 要加$15!!!!!
我問佢咁點解coupon無寫要加$呢
佢行左入去 問完唔知廚房定邊個就行出黎 講: 依家有新措施 唔駛加!
我o左咀 明明買的coupon寫明安格斯牛肉漢堡 但又叫我加$ 俾我challenge完又話唔駛喇wo 咁其他人唔知 咪無啦啦又俾$
算啦 咪外賣囉 一等就等左30 mins!!!!!!一返去 我呸 又係好多位剩 咁就咪死霸住唔俾人坐啦
個包都算經典囉 又乾又唔juicy 塊肉又細塊 星級安格斯牛肉漢堡
d雞翼仲衰 又細隻又 overcook 曬 又黑又無味 完全食唔落口
汽水係完全唔凍!!!真係好無良心囉!!!!!團購就代表可以整d不知所謂的食物出黎最衰都係我拎外賣個陣想check下齊唔齊
佢個waiter大大聲叫囂: 小姐 我地唔會執漏俾你嫁
全部人望曬過黎(但全部人都係得6,7個人 因為佢地唔full 好多吉位 都話full booking唔俾人坐)
我再check 發現無薯條
佢繼續叫囂: 你睇清楚 係下面呀!
但都係無
個廚房好醒目 即刻行去拎
好心啦 大大聲話一定唔會執漏之前 點解唔好好sure自己有無真係做錯先而係大大聲叫囂呢
呢間餐廳 真係唔駛錢都唔會食 大家有眼見啦 d 雞翼overcook到咁都可以俾人食 完全唔係路
我用coupon姐 都有俾$嫁 依家唔係客呀
成日都講 如果做唔掂 無謂搞團購啦 盞搞衰個招牌 d 員工根本有心搞臭間餐廳個名 真係好好考慮佢的存在價值啦
張貼
