Burgeroom (美麗華廣場1期) (已結業)

銅鑼灣 Fashion walk 有間 Burgeroom 一直好鍾意食，去親都勁多人，六點零鐘就開始排隊，今日出尖沙咀原來美麗華都有間，原來係分店黎，門面其實同銅鑼灣差不多，不過入面多啲裝飾品，同埋大間啲。主打 burger，仲有啲小食同飲品，鍾意飲酒既朋友，呢度都有好多啤酒揀。睇岩食咩就去 cashier 比錢，之後有部機仔係番枱面，就等食喇。如果想要水呀、牙簽、茄汁，cashier 對面有個小吧枱，自助形式自己攞。先上鱈魚手指配他他醬，即炸熱辣辣，唔點醬其實都好好味，點左醬係更惹味，錦上添花。BR breakfast，姐係 all day，好睇又好食，份量都幾多，好大碟 再來，蜜糖芥末大烤菇煙肉牛肉漢堡，成個頭咁大既漢堡，簡直係超級巨無霸！足料，番茄甜、肉汁多、煙肉脆，幾重口感，真係食極都唔厭！仲有嗌左Regular coffee同埋 Hazelnut latte，好香 hazelnut 味，我鍾意好滿足！ 一定要介紹比朋友試!