板燒郎燒肉鐵板放題料理專門店 (已結業)

今日收工同一班同事去食宵夜，去到已經十一點幾，去呢間原因係有同事睇過呢到d食評話睇落唔錯，之後就一行六人中伏。首先，一入到去，個地下勁跣，成個場黑媽媽，咩都睇唔到，咁我開閃光燈照下個地板啦，一開真係嚇一嚇，哇，油到呢。油都算啦，仲要一地都係垃圾，已經覺得中中地伏。我明白我地食咁夜一定會有d污糟，但唔會係一地垃圾囉，而且張台都好污糟。然後就開始嗌野食啦，上菜速度真係超級慢，刺身大部分都無味。個醬料碟又無洗過，一坐低見到已經唔開胃，油到呀媽都唔認得，用紙巾一抹變哂色，好鬼嘔心。我地加左88蚊要佢個額外野食，鮑魚OK,隻松葉蟹咸到死，一d都唔好食，生蠔腥到死，泰式生蝦薄過紙，難食。我地叫左一輪已經覺得好失望，無再添。最尾佢地再加野食啦 ，我都已經無咩胃口唔想食，點知佢地個廚房傻傻地，我地嗌6件佢黎左勁多件 ，咁我地同個侍應講話我地無叫咁多，個侍應死都話我地有，之後仲去拎單，張單係寫住6件既，個侍應話廚房執多左，話一陣睇下點但到我地埋單走都仲係到總括而言，環境、食物、侍應服務都係勁差，唔洗錢我都唔會再食 。