板燒郎燒肉鐵板放題料理專門店

137
27
38
港鐵佐敦站 A 出口, 步行約2分鐘 繼續閱讀
電話號碼
35431183
65141418 (Whatsapp訂座)
營業時間
今日營業
17:00-02:00
星期一至日
17:00-02:00
付款方式
Visa Master 現金 銀聯
座位數目
240
其他資料
網上訂座
深夜營業
電話訂座 詳細介紹
賞訂座積分
有關餐廳
燒肉鐵板+蒸氣火鍋放題
鮮味刺身每天新鮮空運到港,燒烤用料亦相當講究,選用頂級安格斯和牛,誠意十足。場內更超過120款的美食,包括沙律、刺身、壽司、和牛、燒肉及天婦羅等,全部由富經驗大師傳精心炮製。

5間VIP房
環境方面更是放題店少見的寬敞,枱與枱之間空間感十足,裝潢摩登時尚,更設5間VIP房,一大班friend啱哂!
餐廳告示
萬眾期待!大閘蟹放題!
2017-10-13
萬眾期待!大閘蟹放題! 等左咁耐,至尊大閘蟹放題終於返黎啦! 板燒郎精選《三兩半至四兩有膏大閘蟹》 $368兩小時任食大閘蟹! 10點後入座$348任食四小時! 套餐仲包括任食: - 刺身 - 壽司 - 天婦羅 - 鐵板燒 - 蒸汽火鍋 - 泰國料理 - 汽水啤酒 - 甜品、雪糕 超過200款美食!係蟹迷就唔好錯過啦!!! 快d約埋朋友仔、屋企人一齊黎啦! 訂座電話: 35431183 whatsapp訂座: 65141418 地址: 佐敦白加士街66號新寶廣場 每天限量供應,請提前訂座 不得與優惠同時使用 需加一服務費 詳情
有關獎賞計劃
食評 (230)
等級4 2017-05-18
5680 瀏覽
Blue Monday 要對自己好啲彌補要番工嘅sad mood~所以特別搵左呢間未食過嘅「新放題」板燒郎試食~ ------------------- 星期一至四$229 位,因為book左位,所以2030去到都可以準時入座,一坐低店員就會清楚解釋邊度拎野食野飲,仲會問要唔要加$88 / $138 upgrade,但$138 加得蟹腳同鮑魚好似唔多值,於是試下$88果隻啦(相對好似多野揀啲) ----------------- 呢度出餐都算幾快,平均5分鐘都會上到菜,而且唔會漏單~不過燈光有啲暗藍同座位好逼⋯所以出入有啲難度⋯ 講下$88 upgrade嘅野食先: -海膽燒法國鵝肝:海膽無咩味,鵝肝煎得好金香,不過底下塊青瓜片味道就唔多夾⋯ -鐵板燒·美國穀飼和牛:雖然唔係靚和牛,牛味不足,且條切略嫌口感不佳,但已比平時牛肉好味 -鐵板燒·北海道大元貝:頗大隻但不知為何元貝竟然是苦的⋯所以食完一隻已經唔想食埋第二隻 -鐵板燒·蒲燒鰻魚:鰻魚超級大大塊,很肥美,令人食得滿足,而且再燒之後更加香口 -刺身·美國生蠔:都算幾大隻,不過完全冇蠔味,即使加左成塊檸檬都無助增加鮮甜感 -刺身·珍寶赤蝦:完全唔明白咩叫珍寶⋯無「珍寶」之實⋯好似出邊食到嘅甜蝦size...仲留住成條蝦腸喺度⋯ -刺身:中拖羅:第一次食到彈牙嘅拖羅⋯口感非常奇怪,而且冇拖羅應有嘅味道⋯真係連普通吞拿都稱唔上 講完加價放題,就講下唔使寫order紙,出面都拎到嘅嘢食啦: -沙參肉竹燉龍躉湯(個湯係送嘅,每位一盅;湯幾有藥材味,亦有好多料,唔係味精水,都算ok 嘅) -涼拌川式小食(青瓜、雲耳&藕苗):全部調味一般,港式化,無川味嘅「辣」 -泰式酸辣海螺:呢個值得推介,海螺酸酸地好開胃,又唔會靭~ -泰式鳳爪:呢個真係唔掂,好似水洗過咁無味之餘好水⋯⋯ -鐵板燒材料:海鮮有青口聖子蜆賴尿蝦墨魚仔青魚,同埋瓜菜類等,全部不經腌味,不過尤其海鮮都唔差 至於真正order 紙選項,種類總體比出面多好多,所以如果人唔多都幾難試得晒,概括如下: -日式壽司卷物及刺身:雖然有足足兩頁紙,但叫晒之後得出嘅結論好似隻隻差唔多味⋯無運用配料同調味去製造不同層次嘅口感同味道,相對納悶⋯另外刺身一大問題係全部魚料無應有油份,好似乾屍咁,應該係一早準備好再跟單執 -鐵板燒:同樣問題再次發生,睇order 紙以為有好多唔同嘅口味,但可能腌料時間不足,食到只有鹽味⋯即使芝士或辛口嘅都無味⋯⋯同埋必須講嘅燒海蝦真係好恐怖⋯黎到顏色已經勁似佳實賣緊十幾蚊磅果啲紅蝦仔,點知燒完更腥⋯ -泰越菜式:做得相對好啲,冬陰公ok只係唔夠酸辣,雞絲粉卷除左塊皮厚啲味道其實唔差,不過生蝦刺身就packing 貨無蝦味,蝦餅魚餅店員亦傻傻分不清⋯⋯同埋炸得超燶超硬⋯ 最後甜品方面,有甜品同雪糕櫃,甜品有唔同口味嘅大菜糕,全部都唔會好甜,而且幾清淡,適合夏天時節同埋食完肉類一等肥膩食物後食~雪糕有較少有嘅豆腐味同綠茶味,都算有誠意 繼續閱讀
(以上食評乃用戶個人意見 , 並不代表OpenRice之觀點。)
06-12-2016 焦點食評
等級4 2016-12-06
11490 瀏覽
近呢幾年,愈出愈多以大閘蟹任食做gimmick 既酒店自助餐,今次估唔到連放題都出搞埋大閘蟹任食,見價錢都抵,就梗係試下啦!餐廳環境都算闊落,張台夠放唔少野食,中間有韓燒既爐,個爐仲可以變身用黎打邊爐,或者食蒸海鮮塔添!朋友首先就叫左刺身先,三文魚係中薄切既,但都幾肥美!帶子其實係貝柱,食落都甜同滑。仲有我最愛既甜蝦,正正常常,都甘甜既。馬都貝同八爪魚,爽口!飲杯薑茶,就開始轉戰今日既主角啦!每人每次會有三隻,叫完waiter 就會稍後送上熱辣辣,岩岩蒸好既蟹,每隻蟹大約係2-2.5兩到重。一打開蟹蓋,咸蛋黃色既膏就流出黎啦,蟹膏都甘甜又滑流。蟹腳都有肉地,唔好晒左。撇開蟹身,都算多膏,白膏同黃膏都算豐盈,綿綿甜滑。雖然未係爆膏,但咁既價錢黎講絕對交代到!不過食到第三隻,隻蟹開始凍,如果店主可以每次兩隻送密,應該會好好多!中場就食下韓燒,中和返剛才的生冷寒涼。食材可以係門口隔離個大雪櫃自己夾,款式都夠多,雞翼,豬腩片,牛舌,牛肉,滑雞,蜆,菇,粟米等等,再另外加調味醬料。味道中規中矩,始終唔係標榜靚肉,無特別大期望。牛舌都爽口! 蜆肉幾厚身,唔錯。食完韓燒,再戰一輪大閘蟹同刺身,就差唔多到頂。本身想試埋蒸海鮮,但食唔落啦!甜品方面就有各式蛋糕 (cheese cake, mousse cake), JELLY,雪糕同雪糕糯米滋等。因為都飽既關係,都淨係食到雪糕糯米滋。整體黎講,咁既價錢同食物質素,性價比都okay. 地點又方面就腳,同朋友過黎食飯都唔錯呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-08
9161 瀏覽
每年的大閘蟹季節都會令我十分期侍. 今年沒有好友組團來我家吃蟹, 那唯有看看有什麼餐廳有大閘蟹供應. 無意中發現有任食大閘蟹, 任食第一次見大閘蟹有任食, 立即約了好友前來.主力是大閘蟹, 我們一人吃3隻. 大閘蟹每隻約3.5 - 4 兩重, 本來擔心太細隻. 但來到見到, 每隻都有四兩重. 店家說, 是向可靠供應商取貨, 隻隻都選過. 但始終是生物, 運送途中有機會有問題, 萬一有吃到死蟹, 叫他們換一隻好了. 他們的供應這都會換貨, 證明十分有責任感. 四兩的大閘蟹始終不算大隻, 蟹膏數量和質素就只可按小蟹的質素比較. 這兒的蟹膏還是把蟹身塞得滿滿的, 十分甘香軟綿. 都有漏出黃油. 蟹腳則沒有蟹膏, 但始終是任食, 這價錢值得吃. 大閘蟹是即叫即蒸, 要等約25 分鐘. 蒸起後熱辣辣拿出來, 更好.吃了大閘蟹, 放題必吃是刺身吧. 刺身用冰底上, 比較好吃是油甘魚, 夠肥美, 吃到那魚脂的香氣, 魚肉挺身, 口感不俗. 至於其他刺身, 質素普通. 有頭蝦蝦身比較幼身. 叫了一個泰式生蝦刺身, 是回本和特別菜式. 蝦肉未至於雪至彊硬, 但都未是太凍, 配上辣汁, 還是可以.燒菠羅叫了很多, 是最好吃的. 水份足, 菠羅夠甜度.炒蜆和海鮮普通, 炒蜆有怪味, 沒有多吃.見別人還點了火鍋等等, 這個價錢下都算多花款. 還有甜品, 前菜, 清酒, 紅白酒, 汽水自助飲, 種類很多. 不過酒類用汽水機入, 令人沒有興趣去飲. 還是乖乖的去試各款新奇的罐裝飲品. 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-11
138 瀏覽
10點後入座三個人食,坐到兩點,起扺食,有泰國野,有刺身,仲有燒烤,係邊度塭!!野食都好正,刺身勁新鮮,上菜速度又快,完全唔洗吹單!仲會行泥問你有無野未到,服務態度又好,好有禮貌啲刺身勁正,推薦甜蝦,真係超甜,幫襯過呢間好多次,無論朋友定屋企人都會叫我再同距地食多次係香港可以坐噤耐又噤多款式既放題邊度揾,野飲款式又多,連啤酒都係任飲,酒鬼就啱晒食泰鍋既話真係會食完想再食多次,有海鮮又可以係中間燒肉食,一次滿足兩個要求,仲要海鮮勁新鮮!!而家個個朋友見我上去噤多次都話要上去試下而家香港服務態度好,又快上菜,又唔吹你食完走真係好少有,最重要係每個員工都有十足既笑容,呢樣野真係唔係每間食肆都能夠做得到 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-10
141 瀏覽
見到呢一間餐廳宣傳片有泰式火鍋,一於上黎試下啦,只要一早訂定枱四個人以上就會免費送俾你架啦。二我哋亦都選擇入VIP房間食嘢,但係就要每位加$20,不過好嘅地方就係有部電視同埋獨立空間俾大家傾計食嘢,條氣都順返少少。泰式火鍋嘅湯底濃郁,第一轉嘅時候海鮮吸晒全部喇沙湯底,真係幾正既!而佢中間亦都可以燒下啲肉嫁,但係發現原來鍋入面嘅海鮮係冇得再添加,唯有自己再叫啲海鮮,但係長腳蟹就一定要加138,升級88亦都有八款任食,大大隻赤蝦同元貝係升級嘅原因,因為加落去泰式火鍋入面真係好好食。刺身嘅質素亦都唔差但係落咗好多三文魚都係比好少。值得一提嘅就係羊架,大大件好好食。服務員亦都好態度,成日幫我地收碟換下鐵板。最重要嘅係驚我哋冇嘢食就會幫我地問需唔需要加野。 繼續閱讀
(以上食評乃用戶個人意見 , 並不代表OpenRice之觀點。)