馥 (已結業)

今日約咗個客喺度食飯，一入到嚟，環境當然唔差，就算唔鍾意坐卡位的我都覺得呢張卡位非常乾淨舒服。食得日本餐，當然想食壽司，但奈何$398嘅lunch set得8件壽司，我一定唔會夠食，睇嚟都係叫個飽肚啲嘅好過吉列豬扒飯 ($288)平時都少食吉列豬扒飯嘅，因為怕中伏，但嚟得呢度又唔怕會中伏喎！就叫一個試吓先。先上前菜，有沙律、蒸蛋及蘿蔔絲等。沙律非常出色，是啲沙律菜係極度新鮮，而且青瓜係好有新鮮青瓜味(唔好笑，而家嗰啲大陸青瓜真係乜味都冇，衰過食舊膠)，呢個青瓜食得出係真係靚嘢！9件炸得肥美金黃嘅吉列豬扒橫放喺鐵架上，拎起佢睇一睇先，外層超薄，緊緊包住一邊肥一邊瘦中間夾雜少少脂肪嘅嘅豬扒，肉質鬆化幼嫩，就算係瘦嗰邊嘅豬扒都唔會覺得好韌，非常好味。9件的確好抵食，但係又好矛盾，因為真係好好味所以唔夠食，但其實9件又真係好夠食..... 牛奶布甸好嫩滑嘅布甸，食完之後仲有牛奶嘅after taste，為呢個lunch寫下完美嘅句號食物質素非常好，唯一係服務有啲普通，可以話係冇乜禮貌添。而且以呢個價錢嘅日本餐廳嚟講，我唔expect會沙律前菜未食完就上菜，一係同熟食一齊上OK，但而家我同個客傾