影片
更多
2021-03-01
89 瀏覽
🎈CR² By Cupping Room 🔍旺角彌敦道號639號雅蘭中心地下Kiosk 4-----Cupping Room一向係👶🏻B仔好中意嘅coffee shop，鍾意嘅程度係幾乎佢哋每開新店，都會想去朝聖一下。-早前食過係中環嘅Doubleshot by Cupping Room，一試難忘，不過因為嗰間分店係行高檔路線嘅關係，價錢偏貴成日食荷包會頂唔住，而呢間CR² by Cupping Room ，就係佢哋首間坐落九龍區嘅分店，除咗咖啡之外，亦有售蛋糕、咖啡雪糕牛角包同飛碟，平時仲會有午市套餐，價錢比較親民，店內嘅座位唔多，但就有知名插畫家謝曬皮嘅鮮艷壁畫俾大家打下卡🤳。咖啡質素一如其他line嘅Cupping Room般高質，✨Cold brew black sugar latte 16oz （$48）以自家冷萃咖啡取替 Espresso，口感輕薄清新，吞落口會先嘗到淡淡黑糖味，啡味則緊接而黎，冷萃咖啡與黑糖混合味道竟有少少似台式茶飲，幾特別，適合飯後飽膩又眼訓時候來一杯。除咗杯黑糖咖啡，👶🏻B仔仲order咗✨Coco Chanel（$50）Cupping Room 嘅擁
🔍旺角彌敦道號639號雅蘭中心地下Kiosk 4
-----
Cupping Room一向係👶🏻B仔好中意嘅coffee shop，鍾意嘅程度係幾乎佢哋每開新店，都會想去朝聖一下。
-
早前食過係中環嘅Doubleshot by Cupping Room，一試難忘，不過因為嗰間分店係行高檔路線嘅關係，價錢偏貴成日食荷包會頂唔住，而呢間CR² by Cupping Room ，就係佢哋首間坐落九龍區嘅分店，除咗咖啡之外，亦有售蛋糕、咖啡雪糕牛角包同飛碟，平時仲會有午市套餐，價錢比較親民，店內嘅座位唔多，但就有知名插畫家謝曬皮嘅鮮艷壁畫俾大家打下卡🤳。
咖啡質素一如其他line嘅Cupping Room般高質，✨Cold brew black sugar latte 16oz （$48）以自家冷萃咖啡取替 Espresso，口感輕薄清新，吞落口會先嘗到淡淡黑糖味，啡味則緊接而黎，冷萃咖啡與黑糖混合味道竟有少少似台式茶飲，幾特別，適合飯後飽膩又眼訓時候來一杯。
除咗杯黑糖咖啡，👶🏻B仔仲order咗✨Coco Chanel（$50）Cupping Room 嘅擁躉們應該對呢杯之前喺Doubleshot by Cupping Room 大賣嘅雞尾酒唔陌生。而今次喺CR² by Cupping Room賣嘅就係佢嘅冇酒精版本。☕️咖啡、🥥椰漿、🍵抹茶同🥛牛奶雖混合埋一齊，但每一啖飲落到依然感覺到層層分明，幼滑濃郁，不過呢杯就相對上面嘅冷萃咖啡飽肚，比較適合早餐時間飲。
甜食方面，推介大家試下🍠紫薯吉士牛角（$38），先不論味道，淨係外貌已經非常引人入勝，酥酥脆脆嘅🥐牛角包，喺店員幫忙加熱之後，牛油香更顯得出，配以朱古力topping，番薯及紫薯餡，好食得黎，甜度幾自然。
如果唔想食甜食，仲可以揀飛碟🥪三文治，呢個系列一共有四款，包括係🥑牛油果花生醬雞肉、日本櫻花蝦玉子燒、 🐷慢煮燒烤醬手撕豬肉同日式咖哩吞拿魚，B仔就試咗牛油果花生醬雞肉，一咬落去大量🧀芝士爆出嚟，鹹鹹香香，非常邪惡，食一舊就可以為一朝早提供滿滿能量。
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
張貼
