Mini Friday (The Wave)

營業中

休息中

個個都話工廈有好多特色食店，今日就去試下觀塘The Wave嘅Mini Friday。一坐低先黎個薄脆小食，加埋醬汁，將薄脆變成惹味小食。我同朋友叫左兩個Set dinner share食。先來意大利菜湯，我就欣賞個湯碗可以方便飲曬成碗湯。前菜乳酪鮮果沙律🥗有幾款生果及沙律菜，好新鮮美味。跟餐可以優惠價配小食，今次加左迷你小食炸盤，熱辣辣剛炸起，有幾款炸物，外層香口，記得要加埋個酸辣醬汁食。另一個係蟹肉鮮果三重奏，上層係蟹肉🦀，下層係牛油果🥑、芒果、木瓜，好豐富一D都吾hea。到主菜炭烤牛肉眼扒拼豬肋條送到，好大塊扒😆，真係未食先興奮，配紫薯蓉🍠淡淡的甜味，正！😋 另一主菜自由配搭意大利飯可選四款配料（包括洋蔥、蕃茄、雞肉、海鮮等十多款配料），而汁都有三款，真係梗有一款適合你，啱曬食素的朋友。不過如果吾係好大食，就可以叫其他餐，因為飯加扒真係差D食吾曬🤣。最後到甜品，係朱古力蛋糕呀🍰上面係好重朱古力味的慕絲，底部是脆脆，一齊食口感好好，吾太甜。仲有一個驚喜，就係呢度竟然有live Music，可以聽住歌食飯👍。