響日本燒肉 (已結業)

放題怪既我又出動啦🏃🏼‍♀️今次嚟到銅鑼灣食，價錢分別有四個選擇，我哋就揀中價位$398 美國、澳洲和牛燒肉放題（有78款料理）仲可以任食2️⃣小時添👏🏻想特別讚呢度既抽風系統好好，完全唔會有油煙味，同埋座位好寬闊坐得真係勁舒服😌🥢食物🥢坐底冇幾耐，店員就會遞上刺身拼盤及燒肉拼盤✨刺身拼盤：刺身擺得靚靚，款式仲好多添👍🏻帶子/生蠔/甜蝦/劍魚腩/三文魚等等….大約有九款，顏色好有光澤，新鮮～特別是魚類入口有種好肥美嘅感覺🤤🐮🐷🐔燒肉拼盤：有8款分別是（主打是澳洲和牛西冷/和牛肉眼/牛胸腹；美國牛肋骨；米澤三元豚肉腩等等….）等我地每樣都可以試少少先😊我就特別喜歡澳洲和牛系列，肉味比較出眾，另外骨付雞肉腸外脆內軟，口感好特別😋整個燒肉拼盤都好滿意！食哂再可以慢慢order～另外有海鮮，壽司，炸物，沙律款式都好豐富（不能盡錄😂）雪糕有movenpick/dreyer’s/芒果益力多雪條等….想飲酒類嘅仲可以加$48任飲🍺清酒/柚子酒/梅酒/啤酒🍻真係非常滿足既生日飯🤭