台酒鍋 (已結業)

天氣keep住都係咁凍～放工最啱食個火鍋暖笠笠。約了屋企人到油麻地這間新開業「台酒窩」😍台式火鍋，最近都好流行。今晚就試吓佢嘅火鍋料同小食夠唔夠地道先。座位算幾舒適，好多卡座。手機落單各款肉類小食。飲品、甜品和各式丸類、蔬菜。共有八款台色式湯底，來一份雙拼「肉骨茶拼蕃茄」。肉骨茶有大大件炆到好稔嘅豬手、豬骨。湯底唔會有好重嘅藥材味，啱啱好。蕃茄豆腐嗰邊蕃茄味好濃郁，仲有好多菇菌、粟米，好清甜～原來有分台式和港式豉油，只看到港式又miss 咗台式唔知係點樣…飲品有多款選擇，多款台式罐裝飲品，首次見罐裝珍珠奶茶，叫做襯返台式火鍋，當然唔可以同手調飲品相比～蔬菜類有羽衣甘藍、秋葵，夠健康！有超大隻嘅鮮冬菇。可能係墨魚汁台灣腸，唔錯㗎有肉香～小食方面，一次過試咗幾款。非常有驚喜，放上枱嘅時候都係熱辣辣即炸起。超級推介榴槤炸物，超爆嘅餡料，濃郁榴槤味道，外脆內軟。另一款炸香芋丸更內藏鹹蛋黃，甜中帶鹹好特別。炸腐皮蝦卷，外皮脆內有好多蝦肉。甜不辣煙煙韌韌。鹽酥雞就普通咗啲。套餐揀咗Level 2，幾款精選牛肉也很足夠。美國Prime Grade牛肩胛：牛脂較豐富，肉質係最甘香嫩滑美國Prime