御膳

營業中

休息中

今日公司食飯 喺觀塘一間私房菜包咗房 食咗一餐好驚喜 老闆同事都好滿意嘅私房菜😝 呢度我嘅餸菜都好特別，一嚟到嘅前菜有青瓜手撕雞同埋滷水大腸牛肚，真係色香味俱全，滷水汁嗰隻五香味好重，唔錯。廣東人的確有好多方法整雞，佢呢度連埋金華火腿一齊整 多咗陣鹹香味，將隻雞提升咗一個層次啊😆海鮮方面，佢有薑蔥炒蟹好有鑊氣，先炸後炒嘅方法，肉質好實淨！炸魚無骨之餘仲好酥好香脆！另外佢個花膠雞燉湯真係不得不提，好香濃 飲完之後嘴唇仲有少少膠質痴住🤪🤪食完呢餐大家都一致好評，而且佢仲免開瓶費提供埋酒杯冰桶，啱晒我哋一班酒鬼同事，餐廳仲可以根據我哋嘅口味去調整菜單 服務都幾貼心，下次屋企人生日或者朋友食飯都可以考慮😆