影片
更多
2023-03-30
48 瀏覽
嚟到三月天氣仲有點寒意，自不然就會想食火鍋暖暖身。今日就相約朋友去到旺角打邊爐。餐廳坐落喺旺角砵蘭街食肆林立嘅中心點，就喺朗豪坊附近，紅色醒目嘅招牌相當易搵。餐廳雖細但五臟俱全，裝修環境比較地道。本以為係一間平平無奇嘅火鍋店，但好快就顛覆我呢個諗法。芫荽皮蛋鍋打邊爐最重要除咁個爐，一個靚嘅火鍋湯底同樣重要！想品嚐食材鮮味嘅同時又想飲埋湯，唔抗拒芫荽嘅朋友仔一定要叫呢款湯底。多芫荽不在話下，餐廳選用咗呈雪花紋嘅松花皮蛋，抵讚！澳洲M6三角牛小排牛肉油花分布超級靚，牛油味香濃而又不太油膩。清清地嘅湯底唔會掩蓋牛小排嘅味道。入口即溶軟綿綿嘅口感令人食唔停口。本地手切牛頸脊油花少，牛肉味極濃。相比起牛小排，牛頸脊肉質口感較為有嚼勁，愈食牛味愈出。手打蝦丸由鮮蝦打成嘅蝦膠，再包住口感爽脆彈牙嘅蝦肉。蝦味勁爆，膠質十足！手打麻辣牛丸另一款手工手打丸，牛肉鮮嫩juicy，麻辣味不會太搶。值得一讚牛丸淥咗一段時間都仲保持幼嫩唔鞋口。廣島蠔每一隻都新鮮肥美，最緊要係完全無腥味，鮮甜嘅蠔味令湯底更加清甜！脆骨腩誠意推薦！喜愛食魚嘅必選海鮮食材。脆骨腩肉質爽脆味道鮮甜，冇泥味同腥味可以放心啖啖肉咁食。黃沙豬
嚟到三月天氣仲有點寒意，自不然就會想食火鍋暖暖身。今日就相約朋友去到旺角打邊爐。餐廳坐落喺旺角砵蘭街食肆林立嘅中心點，就喺朗豪坊附近，紅色醒目嘅招牌相當易搵。
餐廳雖細但五臟俱全，裝修環境比較地道。本以為係一間平平無奇嘅火鍋店，但好快就顛覆我呢個諗法。
芫荽皮蛋鍋
打邊爐最重要除咁個爐，一個靚嘅火鍋湯底同樣重要！想品嚐食材鮮味嘅同時又想飲埋湯，唔抗拒芫荽嘅朋友仔一定要叫呢款湯底。多芫荽不在話下，餐廳選用咗呈雪花紋嘅松花皮蛋，抵讚！
澳洲M6三角牛小排
牛肉油花分布超級靚，牛油味香濃而又不太油膩。清清地嘅湯底唔會掩蓋牛小排嘅味道。入口即溶軟綿綿嘅口感令人食唔停口。
本地手切牛頸脊
油花少，牛肉味極濃。相比起牛小排，牛頸脊肉質口感較為有嚼勁，愈食牛味愈出。
手打蝦丸
由鮮蝦打成嘅蝦膠，再包住口感爽脆彈牙嘅蝦肉。蝦味勁爆，膠質十足！
手打麻辣牛丸
另一款手工手打丸，牛肉鮮嫩juicy，麻辣味不會太搶。值得一讚牛丸淥咗一段時間都仲保持幼嫩唔鞋口。
廣島蠔
每一隻都新鮮肥美，最緊要係完全無腥味，鮮甜嘅蠔味令湯底更加清甜！
脆骨腩
誠意推薦！喜愛食魚嘅必選海鮮食材。脆骨腩肉質爽脆味道鮮甜，冇泥味同腥味可以放心啖啖肉咁食。
黃沙豬膶
必點之選！ 必點之選！必點之選！真係好重要不禁要重複三次。平時食開嘅豬膶煲一陣就鞋口起沙食落有渣。黃沙豬膶就相反，食落滑溜溜，口感爽滑彈牙，而且餐廳亦做好調味，食落唔會有內臟腥味，誠意推薦！
三秒響鈴
又一必點之選。出去打邊爐最怕食到現成包裝響鈴。沙田頭嘅響鈴係自家製新鮮即炸，就咁食都very good ！ 記住跟返個名，浸湯三秒就好食啦。
張貼
