大廚料理 (已結業)

朋友介紹左一間食過返尋味 有質素嘅私房菜 - 大廚料理 所以今日就相信佢約咗一班朋友過嚟呢度食飯首先講下呢度嘅環境 環境嚟講我覺得坐得好舒服 感覺好有私人空間 在跟住睇下 佢呢度啲嘢食真係一啲都唔貴 食完就更加覺得佢真係物有所值首先呢個炸子雞 食材係非常嫩滑嘅雞肉 再加上炸得啱啱好 所以出到嚟嘅感覺真係做到皮脆內嫩然之後仲有帶子西蘭花 亦都係炒得好香嘅 係好有鑊氣嘅 用料真係十分大方！有原隻大蝦同鮮甜帶子😍 仲有鵝掌鮑魚 鮑魚都好大隻 同埋啲鮑魚係非常之入味 仲有花膠都係好入味然後我自己就最鍾意食一個蟹腳 蟹腳去係處理好曬直接用筷子就可以夾到啲蟹腳肉出嚟 蟹腳嘅仲有其他佢哋自己自製嘅調味料嚟燒 所以食完一件又一件最後當然仲有一個用蟹做出嚟嘅伊麵 由於用咗蟹膏去做出嚟 所以麵係非常之有蟹嘅味道 大家都爭住食呢一個 果種鮮甜同滿口蟹肉既滿足感到而家依然係到回味中💕