影片
更多
2018-09-15
2486 瀏覽
月頭手鬆，梗係要食下好西。呢間想食好耐，終於擇日嚟 😂 其實好想食意粉，但呢個月嘅lunch set 只有闊麵。見到有墨魚汁野，必然想揀，但點知係意大利飯，最怕一坺坺既硬心飯，好鬼難食... 但可能呢間唔係卦，試下啦，然後嗌左...Set 可以跟餐湯同沙律，加少少錢啫，梗係跟埋啦。是日餐湯係黑松露菇菌湯，聞到已經香，食落更菇菌味逼人，滿口黑松露同菇菌香氣 🤤 不過飲左一半之後就開始覺得幾鹹 😂 如果唔煮咁鹹就好啦，但我都有成碗飲晒。有餐湯又點少得個餐包。餐包外形細細，撕開細塊塗上牛油，食食食，慢慢咁有陣椰子香係口裏面散發出嚟。明明無椰絲，但有陣陣椰香。之後嚟凱薩沙律，沙律望落好簡單，一眼睇晒得生菜，車打芝士，麵包糠同乾煙肉碎，但居然出奇地好食 🤩 食落先知食材質量高而且新鮮，最重要係生菜非常爽脆 😋 車打芝士好味~主菜終於到，鱸魚墨魚汁意大利飯，擺盤同黑色既關係，外表非常唔討好，甚至可以用嚇人嚟形容 😂 但食左一啖，立即喜出望外，「墨」雪前恥，係我食過最好食嘅意大利飯。我以後一諗起意大利飯，一定係呢間，好好好食 😋 飯係潤濕，但無一坺坺硬心，而係有咬口。再加上每一粒都被香噴噴既墨魚汁包
月頭手鬆，梗係要食下好西。呢間想食好耐，終於擇日嚟 😂 其實好想食意粉，但呢個月嘅lunch set 只有闊麵。見到有墨魚汁野，必然想揀，但點知係意大利飯，最怕一坺坺既硬心飯，好鬼難食... 但可能呢間唔係卦，試下啦，然後嗌左...
Set 可以跟餐湯同沙律，加少少錢啫，梗係跟埋啦。是日餐湯係黑松露菇菌湯，聞到已經香，食落更菇菌味逼人，滿口黑松露同菇菌香氣 🤤 不過飲左一半之後就開始覺得幾鹹 😂 如果唔煮咁鹹就好啦，但我都有成碗飲晒。
有餐湯又點少得個餐包。餐包外形細細，撕開細塊塗上牛油，食食食，慢慢咁有陣椰子香係口裏面散發出嚟。明明無椰絲，但有陣陣椰香。
之後嚟凱薩沙律，沙律望落好簡單，一眼睇晒得生菜，車打芝士，麵包糠同乾煙肉碎，但居然出奇地好食 🤩 食落先知食材質量高而且新鮮，最重要係生菜非常爽脆 😋 車打芝士好味~
主菜終於到，鱸魚墨魚汁意大利飯，擺盤同黑色既關係，外表非常唔討好，甚至可以用嚇人嚟形容 😂
但食左一啖，立即喜出望外，「墨」雪前恥，係我食過最好食嘅意大利飯。我以後一諗起意大利飯，一定係呢間，好好好食 😋 飯係潤濕，但無一坺坺硬心，而係有咬口。再加上每一粒都被香噴噴既墨魚汁包裹住，又用芝士拌煮，令飯更香口，味道更豐富。飯裏面仲加左小蕃茄，小蕃茄酸甜道濃郁，令飯增添滋味。食完一啖又一啖，食唔停口 🤤
食完再飲多杯 French Rose Latte, 真係極嘆 😎
French rose latte 係充滿玫瑰花香，味道香甜既奶蜜。飲一啖，玫瑰花蜜味會停留喺口度久久不散 😇 回味無窮
之後侍應比左將印花卡我，話午市時段每消費一次滿$102，會有一個印仔。集齊六個，可以有一個免費$102嘅 lunch set呀 🤩 哈哈哈
張貼
