和牛燒肉一郎 (新都城中心二期) (已結業)

呢排愛上左食燒肉, 呢日黎到寶琳呢度搵食, 朋友介紹食呢間和牛燒肉一郎, 我地揀左食C餐, 呢個餐可以食到日本既黑毛和牛,真係好爽! 店員第一轉會上哂咁多款肉俾你先, 你食到中意個款可以再QR CODE 落單, 因為我地主力都係想食牛既關係, 我地叫左店員唔好上豬同雞俾我地~ 集中火力食和牛! 佢既日本黑毛和牛真係好好味, 油花勁多, 同埋好香, 不過都真係食唔到太多塊, 食到咁上下feel到漏漏地, 跟住就再叫D冇咁多油花既牛食下~ balance 番! 佢除左牛之外仲有好多海鮮, 海鮮都非常之咁新鮮! 仲有原條墨魚燒添! 店員都好友善咁教我地燒! 等我地燒到岩岩好有得食!正! 另外仲有泡菜同醃蘿蔔呢D前菜可以解膩, 又可以食多D 牛!