古琴雅苑 (太子集團中心)

營業中

休息中

好耐冇食片皮鴨，今日朋友帶咗我嚟尖沙咀呢間「古琴雅苑」食中餐。除咗片皮鴨呢度嘅選擇都好多。烤北京填鴨一隻$368喺門口等位嘅時候，見到有一個好熟手嘅員工喺度片隻鴨，已經覺得充滿油香。碟皮鴨送上嚟嗰陣時喺個鴨形嘅碟上、好靚，配料（例如京蔥、青瓜同哈密瓜）及京醬同埋蜂蜜黃梅醬可以免費添加，唔使就住就住。鴨味重，夾埋食好滋味。砂鍋雲吞雞$168啲雞好香滑，味道都幾濃。足料都幾大鍋，每人都飲到兩碗。店員仲會幫我哋倒埋入碗添，非常貼心。啲雞同埋湯分開，好方便。意大利黑醋骨$98呢個黑醋骨比較甜，啲肉都煮得幾嫩，唔會怕佢乾同鞋。上海炒年糕$98我好中意食嘅餸，細個成日食。我中意佢嘅咸香，煙靭嘅年糕加埋啲菜同肉抄，口感豐富。高湯嫩雞煨麵$68個湯好重雞味，好香濃，啲麵都好軟。高力豆沙香蕉$58.4件紅豆加香蕉嘅甜品，甜而不膩。表面嘅皮都軟淋淋，口感一流。