Futago HK大阪燒肉

營業中

休息中

今次黎左大板燒肉到食,由於用餐時間個半鐘所以最好預早Book位。食物不愧係過江龍,款式妤多,各式各樣既燒肉都有,啲燒肉非常夠味,燒出黎好有肉汁同細嫩,放入口就知道係靚肉,同平時食開既燒肉店相比夠晒水準。仲試左個新出既海膽撈冷烏冬,海膽既份量好足,好夠鮮味,配埋上面啲芥末同埋蛋黃一齊撈黎食,非常適合夏天食,放入口清涼得黎充滿口感,烏冬配蛋黃真係一流!鋪頭入面每張凳都有位比我地放袋唔怕會吸味,仲會比條圍巾我地以免燒肉汁彈落身,加埋個透明手機袋入住部電話唔洗驚洗到個mon油琳琳,入面既冷氣非常夠,食完出黎個身唔會好大陣燒肉味,夠晒體貼細心!