古今二 (荃灣千色匯I) (已結業)

今日森仔同女朋友去咗荃灣食古今二，呢間坐得都幾舒服，開揚光燈舒服的，感覺空氣夠流通。我女友好鍾意食澱粉質，今次飯類比較多😂😂超級龍捲風望落好似大大舊飯團 其實最頂係蟹籽同蟹柳絲加少少沙律醬再炙燒 我哋都係食到一半先發現入面係兩排嘅蟹柳牛油果壽司卷 有驚喜😂😂 蟹柳同平時食開個啲唔同 呢隻口感同味道都好好食。火山x辣妹🍤跟住我哋點左兩個壽司卷，兩份卷面都有好多鮮甜嘅蟹籽，粒粒咬落去都有口感又有鮮甜嘅汁。辣妹係炸蝦芝士卷，上面有層大舊嘅吞拿魚蓉。火山都係炸蝦芝士卷入邊仲有鰻魚塊，上面除咗有蟹籽，仲有一塊塊脆片。口感層次豐富，炸蝦放得耐都唔會覺得好油，依然咁香脆。鰻魚加芝士粒食完唔覺得流。龍捲風沙律🥗大大碗沙律 做前菜好食又開胃 入面有蟹籽、蟹柳絲、蛋碎、生菜、最底有好多中華沙律 健康之選 生菜、蟹籽、蟹柳絲味道鮮甜 蛋碎係好似平時食開日本嘢無油又唔嚡口個隻蛋絲 成碗加埋口感豐富 成日出街食飯 食多啲菜清清腸胃 感覺個餐無咁大罪惡感😂😂昭和豆腐煎上菜個時都有點驚訝 好似舊迷你板磚 女友手長咁長（佢手細) 外皮香脆內裡係厚實嘅硬豆腐 面淋咗層芡汁 因為一塊都好大舊 建議多人分嚟食