Burgerman (欽州街) (已結業)

我朋友以前曾經喺外國生活，份外鍾意食美式餐廳，其實好多香港既美式餐廳我都食過，感覺都係麻麻地，佢話有間喺深水埗食burger 幾好味，就一齊去食~~~一入舖頭，舖面比較細，有兩張bar 枱，有約十個位，一見到個menu，就覺得好正，因為舗頭既burger 都好特別，有和牛、鵝肝、portobello，而個黃金海堡都好有特色，用墨魚肉包住大蝦再炸，個個都想試，我問店員最受歡迎係邊個，佢就話和牛漢堡都幾多人點，塊牛係用澳洲和牛，好，一於點呢個和牛漢堡!一望個和牛漢堡就知好正，塊和牛厚厚的，大大的，由於即叫即整，個包係熱辣辣~~塊包外脆內軟，芝麻又香，而且塊牛好juicy ，一咬，肉汁充滿口入面，由於呢塊係澳洲和牛，好重牛肉味，而且好滑，入囗即溶，個醬好特別，用左日式芝麻醬，好香芝麻麻油味，酸酸地，而且個菜好鮮好爽，喺香港食到個咁高質素既漢堡，超驚喜~個薯格熱辣辣，都可以~店面雖小，但食物充滿驚驚，讚!