韓脈 (帝國中心)

營業中

休息中

最近見到好多朋友都介紹呢間喺尖沙咀嘅韓國烤肉餐廳，今日咁啱經過附近，咁就一於去試吓啦。一去到見到間餐廳真係好有韓國風，而且入面嘅職員全部都係韓國人嚟，好似去咗韓國一樣啊。聽人講呢度嘅醬油蟹非常出色，咁就叫一隻嚟試吓啦。估唔到真係好大隻同埋好多膏，仲好食過喺韓國食呀。另外呢度嘅烤肉都好多人讚，咁我哋就叫咗牛肉，豬肉同埋雞肉。而我就覺得佢嘅牛肉最出色，肥瘦分明，而且咬落完全唔硬，牛味都好夠，佢嘅醃料味唔係好重，食得出佢原本嘅牛肉係好高質。食韓國嘢梗係要食辣海鮮湯啦，呢度嘅辣海鮮湯唔算太辣，而且好足料，入面有好大隻蝦同埋蜆。同埋佢唔算太辣，老人家或者小朋友都食得。我覺得呢度最抵讚嘅係，啲職員都肯好肯幫手。會幫我哋烤肉，咁就唔使怕辣親手或者時間掌握得唔好啦。呢間餐廳性價比好高，而且食物都好高質，唔怪得咁多人嚟食啦。