142
4
5
等級4
304
0
2018-11-12 575 瀏覽
自問真係幾鐘意食粥底火鍋,試過好幾間,心目中一直有間第一位,今次終於試到間同我心目中第一位有得揮嘅粥底鍋。呢間叫發哥粥底鍋,位置就隱蔽D,近住德福落,阿信屋附近,唔難搵。因為新開張,都唔算好多人知,其實幾抵食,因為做緊每6位送1位($198)嘅優惠。我諗佢地日頭係茶記,夜晚就轉粥底鍋。餐廳都係茶記格局,光猛企理,一部份卡位,一部份大圓枱,講真環境來講,就好過好多粥底鍋喇火鍋套餐分兩款:258蚊/位;198蚊/位(星期一至四),另加醬油茶芥15蚊位,同其他粥底火鍋最唔同嘅係,呢度係飲品任飲!用餐就限2.5小時,基本上夠哂有餘。兩個套餐基本上只係爭一款海鮮嘅分別,258果款就會有龍蝦;198果款係奄仔肉蟹,視乎你鐘意食邊款,可自選。同埋就算2人食都好,可以叫兩個唔同嘅餐,比較有彈性,唔會好似其他粥底鍋咁死沽沽。套餐有七款海鮮+頂級肥牛+八款自選配料+飲品任飲,CP值高。當日送嘅三文魚刺身。我地揀左258蚊龍蝦海鮮粥底火鍋,七款海鮮:龍蝦、貴妃蚌、鮑魚、海蝦、蟶子王、蜆同多寶魚,真係超新鮮!其實粥底火鍋就無規定落鍋次序嘅,呢D野好個人喜好,但正常來講,就梗係食哂D海鮮先啦,襯仲新鮮要即刻食,
更多
自問真係幾鐘意食粥底火鍋,試過好幾間,心目中一直有間第一位,今次終於試到間同我心目中第一位有得揮嘅粥底鍋。呢間叫發哥粥底鍋,位置就隱蔽D,近住德福落,阿信屋附近,唔難搵。因為新開張,都唔算好多人知,其實幾抵食,因為做緊每6位送1位($198)嘅優惠。我諗佢地日頭係茶記,夜晚就轉粥底鍋。餐廳都係茶記格局,光猛企理,一部份卡位,一部份大圓枱,講真環境來講,就好過好多粥底鍋喇

27 瀏覽
0 讚好
0 留言

6 瀏覽
0 讚好
0 留言

火鍋套餐分兩款:258蚊/位;198蚊/位(星期一至四),另加醬油茶芥15蚊位,同其他粥底火鍋最唔同嘅係,呢度係飲品任飲!用餐就限2.5小時,基本上夠哂有餘。兩個套餐基本上只係爭一款海鮮嘅分別,258果款就會有龍蝦;198果款係奄仔肉蟹,視乎你鐘意食邊款,可自選。同埋就算2人食都好,可以叫兩個唔同嘅餐,比較有彈性,唔會好似其他粥底鍋咁死沽沽。套餐有七款海鮮+頂級肥牛+八款自選配料+飲品任飲,CP值高。

當日送嘅三文魚刺身
10 瀏覽
0 讚好
0 留言

我地揀左258蚊龍蝦海鮮粥底火鍋,七款海鮮:龍蝦、貴妃蚌、鮑魚、海蝦、蟶子王、蜆多寶魚,真係超新鮮!
其實粥底火鍋就無規定落鍋次序嘅,呢D野好個人喜好,但正常來講,就梗係食哂D海鮮先啦,襯仲新鮮要即刻食,唔好浪費。平時食開粥底鍋,我地都約略知各款海鮮所需時間,如果唔清楚,可以問店員拎張餐牌參考
波士頓龍蝦大隻,好肉地,膏多,有助粥底火鍋提鮮。龍蝦新鮮到不得了,肉質爽彈
4 瀏覽
0 讚好
0 留言

7 瀏覽
0 讚好
0 留言

4 瀏覽
0 讚好
0 留言

之後我地就淥D貝殼類,例如蟶子、蚌,好快就食得,蟶子勁大隻,好新鮮爽脆;蚌肉質飽滿,邊食邊讚
鮑魚係仲識郁嘅,有誠意,食落軟腍,一D都唔韌。
5 瀏覽
0 讚好
0 留言

9 瀏覽
0 讚好
0 留言

海蝦唔係基圍蝦來架,肉質實淨,蝦殼係脆嘅,新鮮架。
4 瀏覽
0 讚好
0 留言

最後唔少得大蜆,呢D沙白吐沙乾淨,大隻漲卜卜,會比較鮮甜多汁,作為海鮮控就非常滿足
(隔離枱食蟹果款套餐都好正)
9 瀏覽
0 讚好
0 留言

多寶魚就俾友人食清光。
9 瀏覽
0 讚好
0 留言

除左包一碟肥牛,仲可以自選八樣配料,有超過50款選擇,有肉、丸、餃、菜類,人頭份量。肥牛、黑豚肉、都唔錯,有肉味,無雪藏感,交足功課。另外點左墨魚丸、魚片頭,前者彈牙有墨魚味,後者中規中矩。仲點左西洋菜餃同雲吞,基本上整體都好新鮮。台灣腸原條,鹹啲,但幾好食

2 瀏覽
0 讚好
0 留言

7 瀏覽
0 讚好
0 留言

9 瀏覽
0 讚好
0 留言

食到差唔多,店員就俾低芋頭粒、南瓜、粟米粒同白粥我地,等我地自己煮。其實都好簡單,淥到最尾撈起D配料,拿拿臨落芋粒、粟米、南瓜入鍋,因為果D要時間煲淋,水份唔洗太多,以免流失一路用海鮮煮落嘅鮮味。到D配料煮到差唔多就可以落粥底,粥底份量都唔少,我地冇落哂成兜,落左三份二,最終都每人食到兩碗有多,真係好飽。因為D海鮮夠鮮,所以粥底係真係鮮甜,而且唔會太鹹,好正。
5 瀏覽
0 讚好
0 留言

8 瀏覽
0 讚好
0 留言


飲品任飲,因為雪櫃唔係好凍,我地叫阿姐另上冰底,除左汽水,仲有蔗汁,有誠意,任飲架,呢方面真係抵過其他粥底鍋。
5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$270 (晚餐)