影片
更多
2022-10-26
11 瀏覽
每次搭地鐵到油麻地站，都會行經過呢間拉麵店，想試好耐，見今晚冇人排隊，就決定入去試吓。😄餐廳裝修好有喺日本食拉麵嘅感覺，雖然地方唔算大，但係坐得舒服，每個座位都有個籃可以擺隨身物品，好貼心。🥰〈濃厚蝦湯拉麵〉🦐🍜個名改得冇錯，個蝦湯真係好濃郁，仲有好多櫻花蝦，拉麵軟硬度適中，有半隻溏心蛋，一上枱就已經聞到好香嘅蝦味，叉燒煮得啱啱好，果然係餐廳招牌之一。〈神匠蝦汁拌麵〉🦐🍝既然係期間限定，就梗係要試吓呢款杯麵啦，平時都係食開拉麵同埋沾麵，估唔到拌麵都幾好味，雖然係凍食，但係蝦汁都好濃郁，比起拉麵，呢款拌麵更加值得一試，叉燒有稍為燒過，仲有全隻溏心蛋，食得好滿足。〈日式唐揚炸雞〉🐥🍗呢款炸雞小食一共有三大嚿，炸粉一啲都唔厚，旁邊仲有淮鹽可以沾，但係我覺得本身已經好夠味，炸得啱啱好。呢間拉麵店值得encore，地點又方便，一定有下次！🥳
〈濃厚蝦湯拉麵〉🦐🍜
個名改得冇錯，個蝦湯真係好濃郁，仲有好多櫻花蝦，拉麵軟硬度適中，有半隻溏心蛋，一上枱就已經聞到好香嘅蝦味，叉燒煮得啱啱好，果然係餐廳招牌之一。
〈神匠蝦汁拌麵〉🦐🍝
既然係期間限定，就梗係要試吓呢款杯麵啦，平時都係食開拉麵同埋沾麵，估唔到拌麵都幾好味，雖然係凍食，但係蝦汁都好濃郁，比起拉麵，呢款拌麵更加值得一試，叉燒有稍為燒過，仲有全隻溏心蛋，食得好滿足。
〈日式唐揚炸雞〉🐥🍗
呢款炸雞小食一共有三大嚿，炸粉一啲都唔厚，旁邊仲有淮鹽可以沾，但係我覺得本身已經好夠味，炸得啱啱好。
呢間拉麵店值得encore，地點又方便，一定有下次！🥳
張貼
