影片
更多
2018-12-08
249 瀏覽
前幾晚我與表姐有個短暫的約會，表姐喜歡打邊爐，佢話凍凍地打邊爐就最啱，因為一年之計在於冬，可以唔駛怕食多咗用厚衫遮蓋肥膏 ， 已拋開任何減肥顧忌一定要打邊爐開心下。佢真係超級 hot pot fans，而我就真心一般因為我唔太喜歡，不過身邊實在太多人開口埋口都講打邊爐，我唯有捨命陪君子。 今次嚟到人人都大讚的佐敦道倫哥尊尚火鍋私房菜，來返一個雞煲加火鍋之夜～先嚟一個雞煲，每2分鐘降溫再攪一攪，攪4次就可食用。嘩~好香囉～單聞已經香噴噴，入口雞件滑溜同好惹味，辣度有分BB辣到大辣，睇你想挑戰咩辣度，我哋就叫咗BB辣，只係好輕微的辣，怕辣都唔駛怕，我相信惹味多於辣。食到一半雞煲再加上魷魚及豬皮再炒到索曬所有雞汁後再食，豬皮超香，入口爽爽地，個汁真係不得了。餐前小食有魚肚，鮑魚及冬菇，呢d叫小食，果然超豪華。仲有刺身拼盤，有超大大隻蝦、帶子、 北寄貝、三文魚及 魷魚。之後到打邊爐囉～我哋叫咗鮮茄薯仔湯，想清清地加海鮮後可以飲到啖鮮甜靚番茄薯仔湯。好囉～海鮮拼盤出場，有海蝦、鑽石蜆、刀貝蜆、白鱔、龍躉、魷魚及鯇魚，會唔會太多太過份，但樣樣食材都爭好新鮮。睇下食蝦好大隻仲勁彈牙，成盤海鮮咁新鮮堅
今次嚟到人人都大讚的佐敦道倫哥尊尚火鍋私房菜，來返一個雞煲加火鍋之夜～
先嚟一個雞煲，每2分鐘降溫再攪一攪，攪4次就可食用。
嘩~好香囉～單聞已經香噴噴，入口雞件滑溜同好惹味，辣度有分BB辣到大辣，睇你想挑戰咩辣度，我哋就叫咗BB辣，只係好輕微的辣，怕辣都唔駛怕，我相信惹味多於辣。
食到一半雞煲再加上魷魚及豬皮再炒到索曬所有雞汁後再食，豬皮超香，入口爽爽地，個汁真係不得了。
餐前小食有魚肚，鮑魚及冬菇，呢d叫小食，果然超豪華。
仲有刺身拼盤，有超大大隻蝦、帶子、 北寄貝、三文魚及 魷魚。
之後到打邊爐囉～我哋叫咗鮮茄薯仔湯，想清清地加海鮮後可以飲到啖鮮甜靚番茄薯仔湯。
好囉～海鮮拼盤出場，有海蝦、鑽石蜆、刀貝蜆、白鱔、龍躉、魷魚及鯇魚，會唔會太多太過份，但樣樣食材都爭好新鮮。睇下食蝦好大隻仲勁彈牙，成盤海鮮咁新鮮堅冇得輸。
仲有靚靚的牛肉，牛肉非常滑溜，入口即溶，只係輕輕一灼，就可食得，相當一流，份量仲超大份。
因為之前食了雞煲、餐前小食、刺身拼盤、牛肉及海鮮火鍋配料拼盤已經超額完成，再叫多份香口野響鈴及炸魚皮，食咁多肉及海鮮類要食蔬菜，連蔬菜藍都咁新鮮同多選擇，仲有自家製涼茶及任飲汽水，再送埋黑糖冰涼粉，每位都係$338再加1，性價比極高。
張貼
