天聚源 (已結業)

有朋友之前食過呢間蒸海鮮話正，今日特登同男朋友去試試餐廳位於藍地大街，輕鐵藍地站落車行5分鐘左右就到，都幾易搵。入面有室內外坐位，坐外面都幾有feel，不過我地怕熱就揀室內坐。魚缸有好多生猛海鮮。我見大部份人都係點呢兩個套餐，加減散叫一兩樣食物，我同男朋友兩個怕食唔哂就只係單點左$398個套餐。一落完單侍應就先上左個麻醬拌冷烏冬同沙津，正好比我地醫一醫肚先，再開一開胃。有指示教你每一款海鮮需要蒸幾耐，仲有計時器提供，確保唔會蒸過龍。話甘快就上菜啦，不得不讚每一樣都洗得好乾淨，同好新鮮，個蝦同龍蝦上枱時仲識郁，估唔到個龍蝦斬開咗一半都仲郁到。食咗咁多款海鮮真係全部都好新鮮，唔需要調味已經有海水本身的咸鮮味，蝦有少少蝦膏，龍蝦肉蒸得剛好一d都唔鞋口，我個人最鍾意食聖子。依家餐廳搞緊個活動，每台可派一個代表單手撈起d蜆，撈到的就可以免費送你 撈到15粒或以上就可以進入第二關，搖兩次骰仔如果三粒一樣就可以送蟹。雖然我哋失敗左，但都撈到20粒蜆食。呢間餐廳有德國啤酒飲，仲有其他配酒小食例如德國香腸同豬手可以叫。食完蒸海鮮就開始食個粥底，吸收晒海鮮的鮮味再配上生菜絲，為呢餐作一個完美嘅句號。