50
9
1
所有分店 (2)
電話號碼
24632008
附加資料
可㩗寵物
營業時間
今日營業
17:00 - 01:00
星期一至日
17:00 - 01:00
付款方式
Visa Master 現金
座位數目
180
其他資料
網上訂座
Wi-Fi
酒精飲品
自帶酒水
切餅費
VIP房
泊車 詳細介紹
電話訂座
室外座位
電視播放
招牌菜
蒸氣火鍋
食評 (63)
等級4 2017-12-12
1507 瀏覽
好難得今次去藍地大街,這個地方朋友說,自成一角,本身以為店舖沒有什麼特別,當我入到去嘅時候,原來別有洞天,很值得一家大細再去過!原來入面地方好大,有户外,亦都有室內,很有氣氛,很像一個遊樂園,仲有三隻巨型烏龜,好多小朋友喺度跑黎跑去,感覺好正!叫了一個海鮮蒸氣火鍋,全部食材已經有烹調時間,一開始就蒸走地雞,好滑仲真係有雞味,好難得,之後就不斷食海鮮,蒸了大蝦,大蝦肉質好彈牙,一串串上,容易食,之後蒸左檉子,好鮮甜呀!仲好大隻!基本上,唔使點樣點醬油就已經好好味。仲有桂花膀,呢個我最欣賞,夠大隻,夠爽口,而且仲好新鮮,最正! 當然唔少得嘅就係龍蝦,龍蝦好生猛,又多膏,拼埋一齊有原隻咁多,單單食呢啲已經值回票價。不過仲有大量蜆,扇貝,真係津津有味,套餐中附上洞庭烏冬,呢個凍盤都做得好出色,忍唔住再添加左一個,芝麻醬配合得很好,大人小朋友都好啱食!另外仲叫左幾份烤肉,店舖會提供鐵板,自行燒,我覺得最好味嘅係牛肋肉,同松板豬,仲有牛舌!全部好有水準,肉質吾鞋,好香,燒完淋佢地嘅秘製燒汁,一流呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-27
2634 瀏覽
藍地,出名的都是季季紅和天聚源了始終海鮮都係吸引啲所以今晚㨂左天聚源食蒸鍋地方好大,巿區真的很難找到這麼寬敞的地方呢!地方大自然給人舒適和優閒的感覺原來吾只蒸氣鍋出名,還有陶瓷燒和德國咸豬手都好多人食。但海鮮控的我,都係食蒸氣鍋套餐仲幾抵食添噃四人套餐都係$598,出面一個都$398啦先蒸貝殼類先,嘩。。。蜆都有咁多款蕃薯蜆,花甲,波波蜆,沙白有專人幫我地蒸,吾使自己計時粒粒都脹卜卜,鮮甜冇沙,好新鮮噃貴妃蚌都好大隻下扇貝肉厚鮮味,樣樣海鮮都不用醮醬汁,識食就係咁食啦咁先食到鮮味嘛蟶子,熟左都冇縮小,好龍蝦同蟹,肉質彈牙,有膏,放落蒸鍋時,啲肉仲扎扎下咁食到吾停口串好嘅蝦都熱到紮紮跳一次過食左好多新鮮嘅海鮮哦走地雞,個個食到飽飽地都吾想食,不過為左吾好浪費就食下啦點知一食。。。個個爭住食,原來係新鮮走地雞,肉質鮮嫩,有雞味仲加送凍烏冬和沙律,啲烏冬好煙韌,好有口感呀!最後緊係要食埋個海鮮粥啦,精華所在噃話飽話飽,又食埋,因為真係新鮮好味!大家都捧住個肚走$598呢個餐,抵!真係值得我寫咁多字推介下 繼續閱讀
(以上食評乃用戶個人意見 , 並不代表OpenRice之觀點。)
海鮮番尋味 焦點食評
等級4 2017-10-23
1704 瀏覽
爸媽最近說想試下學人食蒸海鮮, 唯有問下朋友有冇介紹, 聽到藍地有間@@ 藍地?比較少去那附近, 真係估佢唔到一入餐廳內才發現別有洞天, 都幾大~ 夜晚仲幾靚還有水缸養海鮮, 睇落好新鮮 我樣樣都想食原來星期一至四九點後入座有七五, 不過爸媽都等唔到咁耐, 下次約朋友可以一試我3個人決定要398的蒸氣套餐, 有烏冬又有粥, 一定夠飽啦幫阿爸點了杯生啤~哇~那麼大杯.....我"代勞"分D來飲下啦粥有3款, 阿爸要了梅菜豬骨底, 職員一放入去就聞到陣陣燒肉的香味!!!好肚餓呀!!!!!!!!!!有職員服侍, 唔使自己計時蒸, 我地等食就得~這3款都是我的最愛, 淡淡的海水味, 蒸到剛剛好, 蟶子爽口, 帶子大粒, 龍蝦夠嫩接著的海蝦大隻又彈牙, 放上碟時隻隻都仲"掙扎緊"其他的蜆太多款, 我掛住食其中有隻蜆叫"蕃薯"好好笑每款蜆都有少少唔同,  有大有細, 貝貝蜆細細粒偏咸少少, 粒粒蒸出來都好嫩~直接食蜆的鮮味, 唔建議沾豉油!最值得讚係全部都無沙!沙律好爽口新鮮, 口感味道比賣相優勝冷烏冬即是麻醬烏冬走地雞好食!!!!!!蒸出來又滑又有雞味!!一定要試下~最後是底下吸收了海鮮的"汁"煮出來的粥, 一大鍋, 咬埋啖啖肉的豬骨, 飽晒~好滿足~ 繼續閱讀
(以上食評乃用戶個人意見 , 並不代表OpenRice之觀點。)
等級2 2018-02-07
126 瀏覽
朋友介紹有一間戶外特色嘅海鮮蒸氣鍋所以一行六人食晚餐地點位於藍地需要轉乘輕鐵前往地點也容易找到餐廳有室內室外任君選擇我哋揀咗室外有點特色每一張木枱基本上坐四個人所以都要加多一張細枱先夠六個人坐有點迫我哋叫了四人餐海鮮餐,價錢$600再加一個粥底另外叫其他小食海鮮也算新鮮全程都要自己計時,蒸海鮮由於入黑關係其實喺戶外食嘢都唔係咁享受建議再加多啲燈光就好啲加上餐廳唔係好多人光顧所以唔夠氣氛同熱鬧服務招呼也可以但食物衛生就一般般啦! 繼續閱讀
(以上食評乃用戶個人意見 , 並不代表OpenRice之觀點。)
寒冷天氣下嘅暖笠笠蒸氣火鍋天氣又轉凍,梗係最好食暖笠笠嘅蒸氣火鍋,有時又怕係室內好焗好熱,天聚源又有日式風情,又可以係室外食火鍋,簡直perfect!怕凍嘅朋友仔都可以入返室內,任君選擇估唔到食蒸氣火鍋都可以咁日式,好有風味,原來除左蒸氣火鍋,都可以食燒肉,唔怪得會有咁別緻嘅佈局,可以影好多靚相~今次我食$398 2人套餐,已經有齊頭盤、海鮮、雞同海鮮精華粥,絕對可以食到捧住個肚走啊!仲有好多小食可以加,選擇好多元化頭盤會有新鮮salad同埋麻醬烏冬,特別要提烏冬,好煙UN,完全唔係HEA烏冬,好有手打烏冬FEEL,好好味!服務員好貼心幫我地整好個鍋,就好快上海鮮拼盤、蝦、雞肉,仲會有一個表格教我地要蒸幾多分鐘,咁可以食材嘅最鮮味雞方面,大約蒸5-6分鐘,好有雞肉,好滑,啖啖肉!海鮮份量一D都唔少,有咁多種類,可以好滿咁大拆一餐!大大隻生猛鮮蝦,有D仲郁梗架,好新鮮!蒸到佢變色岩岩好,自己可以控制時間,咁就唔會過左火,肉質好彈牙,又夠大隻~龍蝦真係正到不得了!超好食!超好食!超好食!重要嘅野要講三次,點解可以咁彈牙?點解可以咁鮮?一野扯哂D肉出黎,啖啖肉啊痴線,好好食yohooo其他海鮮好似帶子、蟶子都回味無窮,有手掌咁大,唔洗加豉油都完全食到D鮮味,最原汁原味!蜆分大蜆、中蜆、細蜆,淡淡海水味,隻隻都係生,開哂口,相信個粥底一定超正啦!食哂D食材其實已經7成飽!萬眾期待嘅海鮮鮮味粥,海鮮最好嘅精華都落哂係煲粥到!簡直好鮮甜!!出面好難會食到!因為每樣海鮮都咁鮮,個粥簡直食到有幸福的感覺!係呢個環境,一路同朋友吹吹水,一路自己蒸海鮮,再令下啤酒,絕對係一件樂事~食完又可以影好多相留念,非常滿足同開心! 繼續閱讀
(以上食評乃用戶個人意見 , 並不代表OpenRice之觀點。)