89
11
1
所有分店 (1)
電話號碼
24632008
附加資料
可㩗寵物
營業時間
今日營業
17:00 - 01:00
星期一至日
17:00 - 01:00
付款方式
Visa Master 現金
座位數目
180
其他資料
Wi-Fi
酒精飲品
自帶酒水
切餅費
VIP房
泊車 詳細介紹
電話訂座
室外座位
電視播放
食評 (107)
等級4 2018-06-14
895 瀏覽
平常對藍地美食的印象便是有米豬,想不到這裡還有蒸氣海鮮鍋。穿過低調的門面,發現別有洞天!彷如走過隨意門,來到郊外小鄉村,真正稱得上為隱世~小木屋設計充滿田園風味。木屋外有新鮮海鮮檔。入夜後在五彩霓虹燈下用餐別有風味。可於小木屋內用膳,有空調,亦設室外雅座。大盛石鍋蒸氣套餐 $598套餐包括龍蝦、 紅蟹、扇貝、蟶子、海蝦、花甲、貴花蚌、貝貝蜆、沙白蜆、 蕃薯(特大蜆)、羅浮山走地雞、粥底、麻醬冷烏冬和沙律,非常豐富,約三至四人份,飲品另點。每一桌均有一個蒸氣鍋和計時器,牆上有指示列明每種海鮮所需蒸煮時間,大部分均在五分鐘內,方便快捷。麻醬冷烏冬,沙律蒸煮期間先食前菜,烏冬彈牙,沙律清爽開胃。龍蝦先來一客新鮮龍蝦,色澤鮮豔,蝦肉晶瑩剔透,蝦膏滿瀉。肉質肥美,蝦膏鹹香,毋需額外調味,品嘗龍蝦本來的鮮味。只有一隻實在不夠紅蟹原隻紅蟹,蒸煮五分鐘便能食用。蟹身啖啖肉,蟹蓋盛滿鮮美肉汁和蟹膏,還有大大隻蟹鉗!扇貝原隻連殼扇貝,蒸煮時間五分鐘。曾經在其他海鮮餐廳吃到肉殼分離的組裝扇貝,即冷藏扇貝肉加循環再用的貝殼,並以蒜蓉掩蓋雪藏味;這四隻明顯是真材實料,鮮嫩多汁,原汁原味。蟶子蒸煮時間兩分半鐘,肉質爽滑肥美;豉椒炒蟶子固然惹味可口,但清蒸更能突顯其鮮味。海蝦蒸煮時間三分鐘,色澤鮮豔,蝦肉鮮美,有竹籤串起方便進食。花甲 貴花蚌 貝貝蜆 沙白蜆 貝殼種類包羅萬有,蒸煮三分鐘,看著每隻撲通一聲地爆開,肉汁迸出。一口一隻,鮮嫩爽滑。蕃薯 (特大蜆)重量級大蜆,像美人魚的貝殼般,裡面沒有珍珠,但有滑嘟嘟蜆肉,肥美爽口。羅浮山走地雞想不到除了海鮮,走地雞也頗有水準!醃製過的雞肉鹹香可口,蒸煮五分鐘後肉質仍出乎意料地嫩滑,可能是用了雞脾肉的緣故。粥底集各清蒸海上鮮的肉汁精華而成,粥底綿滑,帶淡淡鮮香,可自行決定加不加生菜絲。平時在餐廳吃完海鮮會口渴,因為調味太多,如蒜蓉、豉椒、椒鹽等;這一頓清蒸海鮮鍋回歸原始,跟這裡的裝潢一樣,清新怡人。三個人吃一份$598的大盛蒸氣石鍋套餐剛剛好,四個人的話則不太夠,建議可點兩份$398的精選蒸氣石鍋套餐,或另外單點食物。餐牌 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-12
3076 瀏覽
在港吃海鮮動輒要花上數千元,對海鮮甚有研究的家人這晚相約來吃海鮮,海鮮店位於閒適的藍地大街裡,這次大家都是第一次試蒸海鮮,價格只需數百元。走進店內別有洞天,內裡是浪漫的日式園林設計,有露天及室內區,也有獨立貨櫃包廂。由於當天下過雨,室外區沒有開放,我們被安排坐室內,裝潢以木屋為主題,很溫馨的感覺。這餐廳是主打蒸氣鍋,陶板燒,串燒和德國啤酒。我們點了個蒸氣石鍋套餐試試,不消一會全部食材已放滿全枱,侍應把米放在窩底,待蒸完所有食材便有海鮮粥了。前菜有沙律及冷麻醬烏冬,家人大讚沙律的酸醋醬汁調得不錯,而冷烏冬也很開胃。令我驚訝的是,龍蝦,海蝦,蜆類等等都還在動的!意想不到這樣新鮮!每款海鮮要蒸的時間都寫在清單上,餐廳亦附有計時器。家人說龍蝦新鮮切開,便先蒸龍蝦,侍應服務非常好,計時器一響便過來協助我們。龍蝦很大隻,一吃已覺非常新鮮,肉質彈牙,連龍蝦腳都有肉的,可想而知這龍蝦的肥美程度!而海蝦也是鮮味十足,並不是霉口的普通貨。原本以為正值休漁期食材會不夠新鮮,很驚喜每樣食物都令人很滿意!貴花蚌,蟶子和扇貝也是十分巨型,吃扇貝最怕要撕走那些髒髒的部分,很感動餐廳竟然已預先處理過了!蒸好後直接原粒放進口就可以了。蜆類有很多種,花了一段時間認識每款的品種。最大隻的是蕃薯,有花紋的是花甲,家人都一致認同這兩款蜆最美味,另外還有貝貝蜆和沙白蜆,外殻偏白色的,在沒加調味料下,每粒蜆肉都有濃濃的海水鮮味,而且都是肥得漲卜卜的,一咬蜆汁四射,重點是完全沒有沙的,忍不住一隻接一隻的吃光光了。除海鮮外還有羅浮山走地雞,是大陸雞的味道,雞味濃,而且肉嫩,不用點豉油都夠味。蒸完後所有海鮮後,所有精華連同雞油都集中在粥裡,再加上生菜絲,相信只有這樣新鮮的海鮮才能有這麼美味的粥品,份量也相當多,大概有6至7碗。吃完之後感覺很健康,整晚的食物都沒有一滴油(雞油除外),清淡但又不失海鮮的原汁原味,而且價格不算貴,環境又浪漫,家人都食得很開心! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-10
530 瀏覽
提起海鮮,不難想到西貢和鯉魚門,但在這些遊客區食海鮮,自然價錢都是遊客價,不想任人宰割,可以好似我地咁,試試屯門這間天聚源,價錢親民,百幾元可以吃到蒸海鮮,海鮮多款新鮮,性價比高呀!搭輕鐵到藍地站,落車行大約五分鐘便到,地點方便。天聚源相當大,店員領我們經過前廳,到後面的小屋,問我們想坐室內還是室外,天氣炎熱,我們當然是選坐有冷氣的室內,不過如果冬天來,坐室外亦不錯,因為室外掛滿燈泡,晚上亮起,什有氣氛。小屋旁邊是一個個的玻璃缸,裡面養著我們將要吃落肚的海鮮,提示我們海鮮有多生猛。天聚源除了蒸氣海鮮,還有陶板燒和其他小食。經過一翻思量,我們還是選了最抵吃的四人海鮮套餐。下單後,店員便率先送上冷麵和沙律。冷麵和沙律份量不多,剛好為我們等待海鮮時稍稍果腹。冷麵冷麵沒有太多配料,只是以胡麻醬和香葱調味,但麵質爽滑彈牙,對於肌腸轆轆的我們是一道美食。沙律沙律材料包括椰菜絲,青瓜絲和粟米,配以酸醋沙律汁,酸甜開胃,清新味美。未幾,店員迅速把洗淨和處理好的海鮮端上來,馬上來一幅合照,份量和款式多得讓人興奮。店員詢問是否要幫忙蒸煮,牆上有指示海鮮的蒸煮時間,我們選擇自己慢慢蒸慢慢玩。龍蝦首先,龍蝦控選擇先食最貴的龍蝦,單點也要百多元,套餐包了一隻,當然要先吃才不辜負龍蝦的鮮味。龍蝦非常生猛,蒸的時候,蝦腳還不停掙扎郁動,肉質結實,啖啖肉,爽口彈牙,不用點醬,鮮味十足,只是每人只分到四分一隻,實在不夠。貝類天聚源貝類亦有好幾種,有貴妃蚌、花甲、貝貝蜆、沙白、特大扇貝和番薯蜆,最適合喜歡貝類的朋友。天聚源的海鮮沒有多餘的調味,旨在吃海鮮的鮮味。多種蜆類口感略有不同,清洗乾淨,沒有沙粒。較特別的是貝貝蜆,店員稱之為波波蜆,外表晶瑩,圓碌碌像個波,咬落在口中爆開,相當juicy,有點像爆珠。特大扇貝清潔得相當徹底,所有腸和生殖器官都被清走,食得安心。一上菜,番薯蜆巨形的外表馬上吸引到我們的目光,起初以為是蚌,原來是蜆,口感厚大爽嫩,十分鮮甜!大聖子聖子開邊切開,清潔非常,但相比其他海鮮,稍為失色,根據指示蒸了兩分半鐘,口感略為軟腍。紅蟹紅蟹細細隻,勝在肉質鮮甜,蟹膏甚多,切好幾舊方便食用。海蝦海蝦大大隻,用竹籤串起,方便食用,肉質爽口彈牙。雞雞件可以説是一個驚喜,想不到在這個吃海鮮的地方,雞件味道一樣出色,雞肉預先調味,所以吃落十分入味,雞件是原隻雞脾砍件而成,肉質嫩滑無比,連平時不好吃雞的我,也吃過翻尋味。粥底粥底是白粥,只加了生菜,沒有其他配料,盡吸海鮮精華,如果能加少許瑤柱,想必更鮮甜美味。天聚源附近沒有太多高樓,密度低,相當寧靜,遠離繁囂,不限時間,讓人可以放鬆地飽吃一頓,和朋友聊聊天,海鮮新鮮抵食,是一間性價比高的餐廳。menu 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-23
2163 瀏覽
朋友介紹係屯門藍地有間好出名的蒸氣鍋叫天聚源, 因為第二日紅日放假, 所以入遠少少同佢食抵食好野啦!其實入到去, 又冇想像中咁唔就腳, 去到轉車站轉63X, 落左車就過對面就OK入到去幾驚要坐外面冇冷氣, 因為我都好怕熱, 原來都有唔少冷氣房, 即刻放心晒!入左冷氣室, 由於時間尚早, 所以仲未有咩客, 但去到1900已經爆晒, 朋友話因為天聚源既抵食好味已經令佢變到好出名, 最後我地決定叫二人SET ($398)一開始係放D米落底落慢慢煲成粥, 再吸收之後係上面蒸的食物的精華凍烏東岩晒夏天咁既天氣食, 麻醬既香口混合烏東, 食落清新大蟶子D個係名副其實既大蟶子, 因為佢真係好大隻, 食落超級彈牙, 鮮甜貴花蚌超級大隻, 超級新鮮, D個鮮到差D想吞埋自己條脷落肚扇貝好厚肉大, 同埋極鮮甜, 食完係有幸福的感覺龍蝦估唔到D個價錢都有每人一邊龍蝦, 上枱仲係有少少動既, 可見新鮮程度, 而且仲係有膏的, 超級香口蜆完全無沙的, 可見天聚源既吐沙功夫做得好到家, 令你食到放心, 食落鮮甜, 我覺得越細隻越好食雞最後放埋雞去蒸, 諗起D雞油係蒸煮既過程中, 令到雞油落埋粥度, 已經急不及待咁想食個粥。但講返個雞先, 真係好嫩滑, 估唔到唔係海鮮都食到我地讚口不停粥白粥係吸收晒海鮮同雞既不同精華後, 變得超級鮮甜, 而加入D生菜絲後, 更加增加口感, 我地都覺得係一個超級完美的句號總結, 價錢抵, 味道佳, 職員好肯去協助你去蒸食物, 難怪天聚源會越黎越出名! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-23
1763 瀏覽
上個月洗大左少少, 岩岩清完卡數, 所以到月中過少少已經有D乾塘所以原本朋友約食蒸氣海鮮我都想推, 但佢地講原來係去天聚源食, BUDGET以內!  咁就受唔住美食既吸引用僅餘既餐費去食好野!D間天聚源位於藍地果頭, 平時真係比較少去D邊入去到環境唔錯, 幾有氣氛, 有室外空間, 但近排咁熱我都係坐返係冷氣房啦坐定定嘆住冷氣, 開始睇下有咩食, 見到有個好抵食既四人SET!每人仲可以揀自己想要既飲品!冷烏東: ORDER冇耐就叫左個麻醬烏東, 烏東夠煙韌, 夏天食D個做前菜岩晒扇貝: 我地首先蒸扇貝, 真係特大, 而且食落特鮮! 肉嫩汁鮮, 已經開始想像之後個粥底有幾正了蝦: 超級彈牙, 大愛龍蝦: 跟住就食龍蝦, 個龍蝦輕輕一拉, 就可以輕易拉出, 可見其新鮮程度貴花蚌: 貴花蚌上到枱之後就係另一個震撼點, 因為真係超大隻, 而且食落鮮甜, 彈牙無比蟶子皇: 係D個SET既一個重要賣點, 平時出去食D個SIZE既既蟶子皇, 都係起碼$4X以上, D度係每人一隻, 個蟶子鮮到大家都出唔到聲掛住食紅蟹: 另一個驚喜, 超多膏, 好香口, 估唔到D個價錢食到D個質素!蜆: 一大堆不同既蜆同埋花甲, 估唔到份量有咁多, 而且入面係完全冇沙的! 食得放心舒服, D個唔洗點豉油都夠晒味, 超級好味雞: 食晒一堆海鮮後, 就食埋雞, 個雞就算係雞胸肉都係超級嫩滑呀!粥: 最後食埋萬眾期待既粥底, 集百家精華之所在, 好味到我食左三碗總結, 食左咁多好野, 都只係每人$165, 真係抵到痴線, 想食平價海鮮D間真係其中一個好好既選擇! 繼續閱讀
(以上食評乃用戶個人意見 , 並不代表OpenRice之觀點。)