和牛燒肉一郎 (寶漢大廈) (已結業)

有好多種唔同既SET，豐儉由人，有最頂級既和牛放題套餐，亦有價格較平民既特級牛肉放題，今次叫左Course B 特選牛肉放題套餐，每位平日都係398！首先佢頭盤俾架綜合船，有特選牛、海鮮等,食完頭盤其他野食自己手機落單,包括特選牛肉十款(有牛肋肉、牛肋間肉、薄脊牛肋肉、里脊肉、薄脊牛里脊肉、牛外橫膈膜、熟成壺漬牛外橫膈膜、牛肋角肉、兩色葱花牛舌、薄切上等牛舌芯，黎得依度緊係岩晒我依Ｄ牛魔王🐂😈每次點完幾分鐘就送餐到,服務好好。其他野食包括🐷豚肋肉、豚里脊肉、厚切火腿肉、🐔雞腿肉、雞胸肉，🦐海鮮有蝦啦、帶子等，另外有🥬菜類同其他🍟炸物小食。依個價錢又有高質牛又有海鮮真係好爽。個人最鐘意佢既薄脊牛里脊肉，熟度較難掌握，店員仲主動黎幫我地燒，好窩心！牛肉品質堅正！肉質鮮嫩油脂分佈平均😋食到停唔到手停唔到口😂😋 最後想講佢飲品吧勁多選擇，重點唔太甜好岩配肉！另外佢仲有有沙律吧、甜品吧任食，甜品除左自助雪糕機🍨，仲有全部日本高質雪條雪糕🍦！每樣都有試好滿足！見格離台食和牛Course好高質，下次再試再分享！