和牛燒肉一郎 (新都城中心二期) (已結業)

燒肉一郎應該係我食過既燒肉放題質素最高而且真係俾到岩規格既牛。門口睇餐牌都聽到有人講要B定C餐好，我地今次食C餐係真心好好食而且C餐獨有既和牛部份好好食，無限追加其實係抵食，食多幾片已經可以回到本！首先侍應會上左跟餐既和牛西冷寶盒同埋各款唔同種類既肉，和牛佔好大部份而且即使係普通牛，顏色同埋質感都好靚唔會雪到冰哂!和牛西冷作為C餐既重點，肉質超嫩滑牛味又濃郁，加上舖埋金泊感覺真係好高級，燒一分鐘已經食得。其他和牛亦都係好高質素，燒出黎就算過左少少火喉都唔會韌，牛肉味真係好濃!除左燒肉外，炸物同埋海鮮都好出色。特別係帶子夠哂新鮮，簡單上鹽同黑椒調味已經好入味，彈牙又鮮味!之後我地再加左唔同部位同種類既牛，整體都好高質而且唔會俾次貨，成餐飯食得好滿足又豐富。套餐包埋任飲既汽水、果汁同茶，加埋又有甜品同唔同種類既雪條，選擇好多又好食!