Wheatfield X 羅宋湯專門店 (東薈城) (已結業)

今日終於重開返戲院啦！！約咗個朋友今日去睇戲，睇戲之前就食個下午茶先～～～呢度開咗好多間新嘅食店，諗住嚟試吓啲新嘢食😚😚😚呢間寫住係羅宋湯專門店，我地未食過，見到啲座位都幾舒服，咁就入左呢間喇～～～呢度嘅下午茶餐唔算好貴，價錢合理👌🏾👌🏾👌🏾嚟到呢間羅宋湯專門店嘅餐廳食嘢，梗係要試吓佢嘅羅宋湯啦😂😂😂我哋揀咗呢個牛腩做湯料既海派羅宋湯，好足料！！配菜夠多，啲湯又唔酸，仲帶有少少蕃茄嘅甜味😋😋😋😋牛腩嘅份量亦都多，肉質唔會韌，又唔會剩係得肥肉👏🏾👏🏾👏🏾👏🏾個Menu雖然寫住呢碗湯會有少少辣，但係飲落去個辣味都唔係好重，好適合唔食得辣嘅人🤪🤪呢個湯仲配埋個甜餐包，鍾意搽牛油又得，鍾意點湯食都得😂😂😂😂我同朋友一人點左一款脆豬仔包，呢間餐廳會將豬仔包切開一半先上枱，可以好輕鬆咁同朋友share黎食😁😁我點左個汁燒豬脾肉脆豬仔包👉🏾每一塊豬脾肉都切得好平均，肥瘦適中👍🏾👍🏾👍🏾👍🏾配埋個燒汁，變得更加惹味可口～～～我朋友就點左個豬扒脆豬仔包👉🏾好大塊厚切豬扒😍😍😍😍好多肉汁好juicy😃😃兩款豬肉嘅味道都好正！！！而且豬仔包嘅餡，都有好充足嘅蕃茄同生菜做配搭，平衡返肉嘅油膩感，唔怕食濟😂😂😂