蠔站 (將軍澳中心) (已結業)

🤍蠔站🖤將軍澳唐德街9號將軍澳中心1樓163B舖🦪精選生蠔 $10見到生蠔只係$10一隻！叫咗半打黎試吓好唔好食先。雖然size唔係大隻，但係食落新鮮又有海水味，而且都算幾肥厚，必encore！🍕超級海鮮薄餅 $178薄餅批係好脆既餅底，再加埋大量芝士同埋海鮮，呢個價錢係餐廳食非常抵食😍🍝香蒜辣椒橄欖油意粉 $108叫咗個薄餅所以嗌咗另外一個清淡少少嘅main，雖然材料簡單但係都煮到好惹味，底下有大量炸蒜片😛意粉又夠𡁻口，唔食意粉亦都可以揀長通粉或者天使麵。🍗香辣炸雞翼 $78試咗推介小食炸雞翼，炸好嘅雞翼點埋泰式辣醬真係冇得輸🌶，佢嘅雞翼仲要係拎蜜糖芥末醬醃過，好好食！