蜀客 (已結業)

蜀客係一間食川菜嘅餐廳，之前在這裡食個晚餐，食物都好精緻，價錢都算中上。難得佢推出超抵中午三人套餐，當然要去幫襯。三人套餐只係298，但有好多嘢食。有前菜口水雞，香辣桂花魚鮫。主菜有酸菜桂魚，炒時蔬，擔擔面，仲有個甜品豆腐花。前菜口水雞好滑，麻辣味恰到好處，唔會好辣，少少麻好刺激。酸菜魚好大碟，同散叫嘅份量差不多。酸菜魚保持一貫水準，桂花魚好鮮嫩，酸酸辣辣好開胃。酸菜，芽菜，配埋冬粉，好爽口彈牙，酸辣湯好好味。桂花魚骹一粒粒，炸得好脆，雖然整碟都係辣椒，但食落去唔算好辣。魚骹裡面d肉都特別滑。主食方面就有個擔擔面，其實食完個酸菜魚都已經飽左9成。個面好Q，配埋辣肉碎同花生，好好味。整餐飯都係辣嘅，終於有個青菜中和一下，食完舒服晒。甜品豆腐花好滑，以人均100蚊黎講，呢個性價比真係無得輸。