築地日本料理 (金百利廣場)

營業中

休息中

週日約咗班舊同事飯後去飲酒減壓，傍晚就先同甜心兒喺銅鑼灣「築地日本料理」食壽司打底。小店六點半左右已八成滿座，幸好二人仍可入座拍窗較闊落o既二人散座。埋位即有熱茶飲，靚女妹妹服務夠哂貼身。桌上餐具、醬油、調味齊備。情人點咗客魚生飯「海の逸魚生丼」作晚餐。嘩，真係估唔到啲壽司居然咁平，$8件都有！仲有下場o既小肥就揀咗八件壽司作飲前打底。細佬好有文化地由白身魚食起架。鱆紅壽司（$10/件）：鱆紅壽司清新軟潤。油甘魚壽司（$14/件）：油甘魚壽司都幾軟腍，不過單以價錢比較，個人會推薦食鱆紅壽司。凱撒三文魚壽司（$8/件）：以沙律醬點綴o既三文魚壽司顏色鮮美，入口鮮甜，$8絕對值得encore再encore！火炙三文魚腩壽司（$10/件）：火炙三文魚腩入口即溶，香濃軟腍，$10可謂超級歡樂價！香蔥醉吞拿魚腩壽司（$13/件）：香蔥醉吞拿魚腩壽司外表可能唔係太吸引，但食落卻惹味脆嫩，$13真係冇野可以投訴。辣味三文魚壽司（$8/件）：辣辣壽司XO食，點知成舊入口後，辣味即攻到眼水都標埋出黎，哈哈，仲要即刻搵茶飲，小弟也太不自量力了。。。「築地日本料理」環境簡潔，服務稱心，壽司性價比極高，開P前