煌府婚宴專門店 (已結業)

今晚近近地落荃灣搵食，向寶石樓附近見到煌府婚宴專門店，其實已經開咗一段時間，不過仲未食過，就決定今晚上去試試啦！由於煌府專做婚宴，所有門面都裝修得好grand 好得體。侍應推介我地有個孖寶套餐好抵食，咁我地揀一個套餐再加2個餸。等緊小菜嘅時候，突然有一陣好香嘅螺頭香味飄過黎，原來隔離枱叫咗燉湯，原本叫4個餸已經好多，但實在太香太香啦！最後都忍唔住加多個燉湯，唉！2個人食咁多，太誇張了！宗谷淮杞燉響螺響螺香氣十足，燉湯材料豐盛，有雞件，瘦肉，瑤柱，響螺，杞子，淮山等等，味落味道香甜濃郁，每一啖都好滋味。秘制冰梅骨酸酸甜甜嘅冰梅醬好開胃，肉排爽嫩又大件，沾上醬汁好食到停不下來。安格斯一口牛估唔到份量咁大咁足料，牛肉粒鮮嫩軟滑，雜菌爽口鮮甜，加上燒汁既香味，好惹味呀！清蒸游水沙巴珍珠躉店員貼心地幫我們起骨方便進食，魚肉新鮮嫩滑，肉質鮮甜，食得出非常新鮮。金銀蛋煮莧菜莧菜鮮嫩，吸收咗濃湯之後更加鮮甜滋味，果然不時不食，現在正直莧菜當造期最後店家還附送甜品'桂花杞子糕'味道不太甜而且好清新，完全為今晚橫上完美句號。