煌府婚宴專門店

Palace Wedding Banquet
7
6
4
餐廳: 煌府婚宴專門店
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣站 B1 出口, 步行約9分鐘 繼續閱讀
所有分店 (16)
電話號碼
22349968
營業時間
今日營業
07:00 - 23:00
星期一至日
07:00 - 23:00
付款方式
Visa Master 現金
有關餐廳
宴會至尊 貼心服務
「煌府婚宴專門店」是一間經營高級粵菜的餐飲集團,自2006年創辦以來,專注中式高級婚宴和社團宴會業務。分店遍佈港九新界,創意獨特的婚宴場地,例如:飛天馬車、童話城堡、升降樓梯、旋轉舞台、100呎水晶catwalk天橋從地面升起等,成為家喻戶曉的人氣品牌,是結婚擺酒場地的首選。

堅持「顧客至上,用心服務」的理念,首創「婚宴一條龍」服務。提供高級的餐飲料理之外,更推出空中花園證婚、自助餐酒會、花車、律師證婚、婚紗攝影、結婚蛋糕、請帖、DVD製作、旅遊巴士接送等貼心項目,省卻新人的奔波勞碌,讓他們安心享受完美的婚禮過程。

美食以外,集團致力打造低碳的餐飲環境,提供優質環保菜單。連續多年,榮獲「香港環保卓越計劃大獎」、「傑出企業社會責任獎」、「香港星級品牌大獎」等殊榮。

食評 (22)
等級3 2019-06-04
694 瀏覽
今早起身同家人去左荃灣寶石大廈煌府婚宴專門店飲茶,都唔使等位就入座叫左普洱茶飲住睇食咩要左個蜜汁叉燒飯,脆趣蘿蔔絲腸,鳳爪排骨飯,蟹籽燒賣皇蜜汁叉燒飯-叉燒幾好味道脆趣蘿蔔絲腸-入面唔夠脆口,同我預期唔同鳳爪排骨飯-正常囉,都幾足料架蟹籽燒賣皇-燒賣肉都唔算好肥都算OK 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-01
772 瀏覽
尋日(31-3-2019 Sun)一家人去拜媽媽前飲茶,約咗嚟呢間,我哋去到啱啱有位,坐低睇早市優惠點心,侍應提我10:45am截o架喇,重有5分鐘,我哋嗱嗱林剔喇,剔完啱啱重有1分鐘遞紙.遞完紙等,等呀等,等呀等,等成20分鐘,一樣嘢都冇到嚟,於是問問侍應,佢都即刻幫我call櫃台,佢答有落單,之後都print返張單俾我哋,我睇睇,佢哋落錯咗一個飯,不過算啦,唔叫佢哋改喇.到11:18am至開始有點心到嚟:1. $26.80孖寶B中嘅蜜汁叉燒腸份量唔多都唔緊要,我老公一食就話呢個係冷盤.唔係啩?等咁耐,諗住佢哋係即叫即蒸,原來唔係o架?點解要等咁耐?呢個我冇食到.2. $14.80嘅燒汁釀茄子呢個都好啲,暖嘅,魚肉有煎香,味道都唔錯.3.  再過6分鐘,$26.80孖寶B中嘅豉汁蒸排骨到嚟呢個味道清清地,肉鬆,但只係微暖.4. $22.80孖寶中嘅章魚肉餅飯其實我係剔鳳爪排骨飯,就係呢個落錯咗,份量好少,肉餅幾好食,但飯爭啲,有啲硬.5. $12.80一籠兩粒嘅蝦餃皇,要4籠唔算好大粒,味道口感正常.6. $22.80孖寶B中嘅潮式蒸粉果呢個唔太惹味,不過都可接受.7. $12.80嘅鮑汁鮮竹卷內裡嘅菜肉均勻,味道正常.8. $12.80嘅古法馬拉糕軟熟,似用黑糖做,味道濃少少.9. $18.80嘅魚肚棉花雞我只食魚肚,唔太鹹,口感適中.10. $13.80嘅鮮竹牛肉球我冇食到.味道:原本其實唔太差,但全部都只係暖暖地(腸粉更加係凍),呢方面扣咗分,所以只有3.13分,價錢同服務:呢餐一共收$294.00,我哋7個人,o衣o家睇menu,至發現原來星期六,日及公眾假期每款加$2.00,咁即係$195.80,假設茶錢每位$10.00,即$265.80,加埋一都係$292.38.原本已經唔平,星期六,日及公眾假期每款重要加$2.00,唔怪得冇乜客人嚟,連侍應都好少,更連一次收嘢都冇. 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-19
477 瀏覽
早兩日約親戚出黎飲餐茶,次次都約呢個位,以前煌府未開前亦然。煌府其實幾靚,但係地墊扣左50分,地墊實在太老土既款式了。職員有個淨係識企係度唔郁,有 d 又黑面黑到焦黑色。雖然係假期會好忙我都明既,所以我地都只能唔該前唔該後,希望佢地内心舒服 d 叫左個魚香茄子伊麵,無影到相,但係,超抵食,因為勁多份量啊,我地8個人,一人都食到1-2碗,不過阿媽就話好咸,但我又覺得 ok 惹味。呢款奶黃包係見佢靚先叫,但係就唔好食,奶黃唔流心都算,佢係好結實一舊舊咁所以係得個樣見得下人。叫左好多點心,全部都中規中矩啦,唯一令我有再叫既就係呢個餅,佢中間係芋泥咁,加埋 d 芝麻香,真係一流,必食推介啊,而且特別在其他茶樓無見過呢款餅得閒飲茶,任何一間茶樓都可以係親戚聚一聚既好地方。志在有個地方坐底食 d 野飲 d 野傾下計。中途警鐘響到爆,響到我地傾唔到計,BB 又嚇到狂喊,我地好無奈,最後搞左好耐先至停左,我心諗,如果唔係飲茶,而咁岩不幸係婚宴發生,真係會好嬲,超掃興 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-12
387 瀏覽
呢日同朋友去飲茶,近近地就去咗呢間煌府婚宴專門店。一上到去都feel到有少少中伏,間酒樓門面殘殘舊舊同入面都坐得幾迫,不過都想到去費事搵啦。間酒樓整體感覺唔係太乾淨,啲收碟車左穿右插。呢度環境一般,食物既質素亦都認真麻麻。食物整體質素好求其,點心紙上面既圖同實物有好大分別.....炸物有好多多餘油份,同埋入面既料都唔好食....蝦餃基本都做唔到,一夾就爛...點心唔得,好彩飯麵都正正常常。一百幾一個人咁既質素....可以食其他 繼續閱讀
(以上食評乃用戶個人意見 , 並不代表OpenRice之觀點。)
等級2 2019-02-06
322 瀏覽
年初一晚搵食團拜後晚上突然收到指令荃灣搵酒樓食飯咁就即時OpenRice 搵荃灣,酒樓搵左好多間都滿座好彩終於搵呢間8:30有位8點去到,都好努力盡快安排座位俾我地6個人食飯,叫左六個餸同埋六個碗飯安格斯牛仔粒羊肚菌🐮羅漢上素紅燒豆腐燒雞半隻🐔菠蘿🍍咕嚕肉鮑片生菜🥬席間,可能因為初一嘅關係不斷有唔同嘅服務人員企係附近睇下有咩需要咁俾左利是🧧之後就會換左第二個總結來講,味道都唔錯而且,初一六個餸埋單唔洗九百蚊其實係已經好抵 繼續閱讀
(以上食評乃用戶個人意見 , 並不代表OpenRice之觀點。)