一番風味 (已結業)

收工同老婆行完玩具街之後，又肚餓又累，突然好掛住蟹粥，所以突登去食蟹粥先,因為我地知道灣仔有間食蟹粥好出名。玩具街過去又不算太遠，所以我地過左去食。到步之後當然第一時間點左個【招牌蟹粥】先，因為蟹粥係用膏蟹煮的同會好快賣哂，之後店員仲推介我地食【風沙飽魚】，咩叫風沙??店員慢慢解釋比我地聽風沙即係避風塘炒法差唔多，仲帶少許微辣，我地叫住咁多先。蟹粥終於黎喇，個蟹粥都算大煲可以兩至三個人食，一打開超香蟹味成煲粥變成蟹皇色，每一啖都食到蟹膏，勁香濃。風沙鮑魚，原來都煮得非常出色,風沙炒法同鮑魚非常配合，鮑魚炒得岩岩好又不會過老鮮嫩得黎又爽口，除了蟹粥連炒野都值得一讚。