金泰子泰國餐廳 (已結業)

間唔中我都鐘意行D唔算多人會行既街搵好野食,今次我行到佐敦同尖沙咀中間唔算多人停留既街搵,附近好多好唔起眼但又成日好full的餐廳,今次我好想食酸酸地辣辣地既野,所以來左呢間食泰國菜,呢度都算幾大,枱與枱之間好闊,無好迫的感覺,menu都幾厚,款色超多有小食,沙律,海鮮,咖哩同炒粉麵飯,dinner set仲會包埋個湯,面對咁多款食物真係有D選擇困難,最後我簡了冬蔭功海鮮湯河粉,馬拉盞炒通菜,豬脾飯同酸辣鳳爪沙律!酸辣鳳爪沙律好好味,係辣左D,開頭食都唔覺,食食下個D辣味出哂來,唔食得辣既人真係要叫佢少辣!冬蔭功海鮮湯河粉又係咁好味,超多料,有蝦,帶子,菇,菜,番茄等等,佢算同酸辣鳳爪沙律一樣咁辣,我2樣食哂,真係辣到噴火馬拉盞炒通菜好爽好入味,完全食到馬拉盞既味,最岩用來餸飯!!豬脾飯D肉比較多肥膏,同埋油左D,好似食哂會肥10榜咁,所以我都咬走唔小肥膏,如果講味道都算可以既,但下次唔好咁肥同咁油好D