金泰子泰國餐廳 (已結業)

短時間內食咗呢間嘢四次，因為真係好好味，淨係講個冬陰功湯，已經冇得輸。好多地方嘅冬陰功都唔好飲，一係唔夠酸，一係咸到苦，真係咸到苦，一係就硬係爭緊啲唔係嗰陣味。但，呢度飲一啖已經停唔到口，真係惹味香口嘅冬陰功，係泰國飲到嘅味道，好感動。對比之下，椰子雞湯就顯得普普通通，可以不叫。然後就係串燒，啲肉有，又巨又厚，豬頸肉、司華力腸，超級好食，墨丸連蜜糖都燒得香香的好好味。炒金邊粉酸酸甜甜，又大碟，真係冇得彈，好食過好多商場入面嘅餐廳，真係有泰國味。木瓜沙律就辣咗啲，如果冇咁辣就完美。甜品食咗西米糕，中間有粒粟米好得意，但係一碟有好多粒，食唔晒好大嘥。另外仲叫咗芒果糯米飯，超～好～食～以為自己喺泰國～

香港又失去一間本土人經營的良心餐廳，平民價，就食到美味的泰菜，聽老闆講，經濟太差，佐敦舖是最後一晚，需要結業真的好可惜，老闆好好人，請我們食西米糕重同我們講：得閒可去太子/銅鑼灣分店，放心我們一定支持

同朋友慶祝生日去食下泰國菜，見都好多食評就諗住試下。當日星期五晚，已book枱，但入面都勁多位，不過位置其實都係佐敦站附近ok兩個人食就唔諗住叫飯或粉，所以叫左我地最愛既冬蔭公湯，馬拉盞通菜，雞腳，黃咖哩牛筋腩配個法式蒜蓉包，飽到上心口，仲話諗住食埋個芒果糯米飯添1）冬蔭公湯 - 比較creamy，感覺好有奶味，味道是不錯的，不過唔辣，都係我喜歡既湯。2）泰式雞腳 - 好食，正常，無咩驚喜，係預期的味道，個人覺得愈食愈辣，喜歡辣既可以試。3）馬拉盞通菜 - 呢碟就十分普通喇，正確啲講，係好無馬拉盞個啲風味同味道，不過都可以食既！4）黃咖哩牛筋腩 - 嘩，好多汁呀，應該咁講...... 係好多湯呀味道ok，但感覺好多配料，牛筋腩切得比較細粒，無數過幾多舊，不多也不小。但真係好水.....配個蒜蓉包都唔掛汁唔索汁的。最後環境挺好的，由7點幾坐到9點幾都無收過枱上既野同無理過我地絕對係聚餐好地方

今日去左探朋友，朋友住係佐敦，附近真係超多美食，朋友推介呢個泰國餐廳，味道唔差，價錢仲好抵。泰式海南雞飯海南雞嫩滑，油飯好香，醬汁不是一般的泰式辣醬，應該是自家制醬汁，非常惹味。泰式炒金邊粉 (蟹肉/蝦/豬頸肉/豬扒)配料選了豬頸肉，豬頸肉超級爽，金邊粉炒得香口而且乾身。迷你拼盤 (蝦餅、魚餅、春卷、豬肉丸、選3款，每款2件)選了蝦餅、魚餅和春卷，蝦餅外皮脆得來入面既蝦肉彈牙，魚餅煎得很香，春卷亦炸得非常鬆脆，炒芥蘭 (鹹魚/馬拉盞/蒜蓉/蝦醬/飛天) 芥蘭鮮甜，用蒜蓉炒唔會太油。

聽講呢間泰國野幾好食，所以就決定黎試吓佢嘅lunch。喺門口見到佢個外賣紙寫住海南雞飯$52 ，就諗住試吓食啦，嗌埋熱奶茶加$3，諗住$55啱啱好，點知個男店員話擺喺出邊嗰個餐牌係舊嘅，午餐都加咗價好耐㗎啦。於是我就問，唔加奶茶係咪$55，佢就黑晒面咁樣，嘆口氣之後話$56，因為外賣要加一蚊。其實我都係唔想唱散子，所以先問多一句，我覺得佢嘅態度可以好少少。不過，海南雞飯嘅賣相好靚，份量好多，而且超級好食。大約有十件雞再加一隻雞翼，雞肉好滑有肉汁，好好食。油飯都好香，唔會太油或者好滯，真係食到停唔到口。佢配嘅湯係蓮藕湯，好足料，有好多舊蓮藕係入面，飲落好清甜。個人認為佢嘅嘢食真係好好食，不過服務態度就一般般。

係呢條街發現一個新嘅餐廳叫金泰子泰國餐廳。到最後結帳的時候，店員話要去隔離嘅「金泰子」先知道，原來呢間唔係新餐廳，只是expand 多啲座位。不過anyway 都是我第一次食。侍應係泰國人，而廚房播住啲音樂都有東南亞嘅feel，可能都係泰國廚。點了一個肉碎豆腐清湯、紅咖喱牛腩同埋小食拼盤，很有家庭式食物嘅感覺。拼盤不錯；而清湯係一個碗上的，不是途中帶爐火的。紅咖喱牛腩亦有牛筋但是肉的份量就比較少，而且不配飯。三個餸兩個人食，其實都唔係話好飽。240幾蚊埋單，好在係不加1服務費。

約咗同事成班人一齊食飯, 有同事推介呢間泰國餐廳, 話地方寬敞好適合大伙人食嘢傾計食物質素唔錯, 選擇種類亦都算多, 最欣賞佢個芒果沙冰, 飲得出用料相當足! 而且份量亦都算大, 拎出嚟嘅時候啲沙冰係多到瀉😂👍🏻可能我哋運氣好, 而且係平日晚上, 店內人數唔算係多, 即使係晚市時間原本應該有限用餐時間, 亦都冇刻意趕我地走, 抵讚👍🏻唯一覺得麻麻地嘅係, 我哋叫咗個小食拼盤, 個蝦餅偏細, 基本上係一口咁嘅尺寸, 食得唔太滿足😬

家人喜愛吃海南雞，假日足不出戶；其中最方便的方法是光顧外賣，透過外賣程式網上外賣平台,選擇了金泰子的海南雞，油飯和炸蝦片等食品。送到府上立即可以食用，費用包括餐廳，外賣程式和外送速遞員成本，雖然價錢略高於堂食，卻是方便快捷的。奈何海南雞味道不新鮮並有一點【宿味】，蝦片亦不脆，非常掃興。

三個人去食泰國菜，見食評唔錯，佐敦又方便，於是試吓金泰子。茶餐廳格局，地下有點污糟，我地要求換位，職員態度麻麻地我地叫左二人B餐，冬蔭功湯好辣，不過都算好足料，有好多隻蝦！另外點多個黃咖哩牛肉配蒜蓉包，好香脆，好味半隻海南雞，雞肉好滑，配埋醬料好好味泰式炒菜就不過不失啦！仲有甜品，我冇食，朋友話椰味好香濃，好食喎！

昨日行街經過佐敦，心癮又想食泰國菜，最終都走左去金泰子，原本想飲湯同食泰色軟売蟹，最後侍應熱情介紹佢地的新菜式，鐵板豬頸肉椰菜苗好野味豬頸肉好爽重有泰式豬脾，平時唔會叫，因我怕肥，但今次侍應極力推介，破例嘗試，估唔到的驚喜，好正入味肉淋，肉質甘香肥胖都不理了

不想出门，开饭喇上看到这家泰式餐厅，有几款评价不错，就点了一份蟹肉炒饭和一份好评挺多的芒果糯米饭。送到的时候温度还好，但是蟹肉炒饭感觉不新鲜，里面的番茄味道尤其不正常。芒果甜甜的很不错，糯米比较干，不好吃。失败的一餐

夜晚截單前叫咗外賣, 等咗成個鐘,成11點半先突然話取消咗張單, 如果早知佢地唔接我唔使等咁耐啦, 等到咁夜咩都收晒啦!!!個伙計話依啲我ge事唔關佢事, 又死口唔認佢地取消咗我單, 仲話自己執緊嘢收工要走, 有咩唔好問佢. 之後好囂張叫我要bad comment就留bad comment, 話聽日可以打去同佢老闆投訴佢, 佢都咁順攤唔志在, 咁我就留comment囉. 

叫咗馬拉盞炒通菜，咖哩海鮮包，沙嗲串燒(雞肉 雞腎 豬頸肉)，迷你小食拼盤(蝦餅 魚餅 春卷)樣樣都唔錯 足料 正常portion 幾好味 係個雞腎un咗啲 其實都ok 但食完冇耐已經開始 勁！口！渴！

與兩位好友參觀了展覽後，離開會展中心，乘坐天星小輪到尖沙咀。到了尖沙咀，在文化中心走走看，到了晚飯時候，向佐敦方向走去。好友想吃泰式晚餐，於是再到這店回味一番。我們選擇了餐廳的一份二人套餐，再加一個小菜，時間尚早，食客不多，所以不用等多久就已經為我們送上食物。椰汁雞湯最先送上，白色的湯，單是放在枱上，椰子的香味，已經濃濃的在空氣中散發，入口清香清甜的椰子味，再配合雞湯的鮮甜，兩者的味道互相配合，更有立體感。泰式海南雞半隻，賣相看來，已經是充滿肉汁的感覺。入口雞肉嫩滑，軟綿綿的咬感，雞肉味香，還帶著肉汁，泰式的煮法，令雞皮也很香口，泰式醬汁帶點辣，令雞肉更突出更香口。蒜蓉炒通菜，炒得很香，令蒜蓉的香味融入通菜當中，通菜柔軟，卻很有咬感。泰式豬手，賣相雖一般，可以看得出肉質柔軟的感覺。泰式醬汁令豬手的皮與肉也很香，質感軟綿綿，肉汁豐富，配合酸菜一起吃，反令肉香更突出，令豬手皮的脂肪香更濃厚，很是吸引。雖是重來，但這店的味道依然令人回味一番，依然給人有意外驚喜的感覺，真是值得讚賞，值得再來。

生日之星一聚，齊腳人多嚟呢度唔怕無地方坐，而且夠抵食～先食蒜包，唔脆，腍坺坺😣青木瓜沙律，fresh得嚟夠辣又開胃。炸蝦皮蛋，好香口呀～ 最啱我～炒通菜就令人幾surprise～ 炒得非常之香～又夠翠綠爽脆～ 😋豬脾啖啖肉，唔肥膩～ 配酸菜同雞蛋，份量夠大，人人有份👍🏻 不過有一小部分嘅肉偏硬～ 未夠完美青咖哩牛筋腩超正😋 青咖哩汁充滿椰香，辣而香甜～ 牛腩牛筋炆到又腍又入味～ 識食就食埋茄子，吸晒青咖喱汁🤤好食呀～我地仲有食鹽焗鰂魚，大大條，又嫩滑～又食一鍋冬蔭公湯，極多料，好似食極都有咁😆😂不過掛住食，無比相機食先 hahaha食飽當然要食埋甜品先完滿～ 黑白芒果糯米飯必食～千層糕係熱架，甜甜地，煙煙韌韌～不過椰汁糕就最失望😞... 唔夠軟滑...不可不提嘅係服務周到 ❤️