影片
更多
2020-02-29
400 瀏覽
2020年2月25日 星期二之前過年嘅時候都冇上去女朋友屋企拜年，所以今日專登上去拜訪世伯伯母，但係冇可能咩禮物都唔帶上去，所以就喺旺角睇下有乜嘢禮物適合行到去呢一間鋪頭發現主打係賣曲奇同蝴蝶酥，突然醒起世伯伯母都好鍾意食曲奇餅，所以就走入去睇吓裏面見到好多包裝都好精美，而且價錢都唔算太貴，最特別係有好多款式出面都未見過，其中一款就係珍寶蝴蝶酥，size仲大過我塊面，真係呆左，完全想像唔到係點焗出嚟嘅。最後我就要咗一塊珍寶蝴蝶酥同一盒曲奇餅上門拜年去到女朋友屋企，我哋已經急不及待咁拆開曲奇餅嚟食，見到每一塊真係好精緻，中間嗰幾塊仲要有LOVE既圖樣，應該係用嚟慶祝情人節嘅盒入邊仲有呢一張紙，上面好貼心咁詳細寫住每一款曲奇其實係乜嘢味道，當然我就試咗朱古力蛋白曲奇先，食落去真係覺得好輕盈，好似蛋白霜咁，完全唔會覺得太過甜，仲有少少朱古力味。而女朋友就試咗紅苺乾曲奇，佢話真係食得到一粒粒紅苺，酸酸甜甜幾好食。另外黑金芝麻曲奇我都好推介，因為好重芝麻嘅味道，同埋食完之後唔會覺得口乾最後我哋仲拆埋呢個珍寶蝴蝶酥嚟食，由於實在係太大塊，我哋分開咗四個人嚟食，食落去覺得好鬆化，牛油味好重，但係又唔
之前過年嘅時候都冇上去女朋友屋企拜年，所以今日專登上去拜訪世伯伯母，但係冇可能咩禮物都唔帶上去，所以就喺旺角睇下有乜嘢禮物適合
行到去呢一間鋪頭發現主打係賣曲奇同蝴蝶酥，突然醒起世伯伯母都好鍾意食曲奇餅，所以就走入去睇吓
裏面見到好多包裝都好精美，而且價錢都唔算太貴，最特別係有好多款式出面都未見過，其中一款就係珍寶蝴蝶酥，size仲大過我塊面，真係呆左，完全想像唔到係點焗出嚟嘅。最後我就要咗一塊珍寶蝴蝶酥同一盒曲奇餅上門拜年
去到女朋友屋企，我哋已經急不及待咁拆開曲奇餅嚟食，見到每一塊真係好精緻，中間嗰幾塊仲要有LOVE既圖樣，應該係用嚟慶祝情人節嘅
盒入邊仲有呢一張紙，上面好貼心咁詳細寫住每一款曲奇其實係乜嘢味道，當然我就試咗朱古力蛋白曲奇先，食落去真係覺得好輕盈，好似蛋白霜咁，完全唔會覺得太過甜，仲有少少朱古力味。而女朋友就試咗紅苺乾曲奇，佢話真係食得到一粒粒紅苺，酸酸甜甜幾好食。另外黑金芝麻曲奇我都好推介，因為好重芝麻嘅味道，同埋食完之後唔會覺得口乾
最後我哋仲拆埋呢個珍寶蝴蝶酥嚟食，由於實在係太大塊，我哋分開咗四個人嚟食，食落去覺得好鬆化，牛油味好重，但係又唔會覺得好肥膩
整體上感覺唔錯，世伯伯母都好滿意
張貼
