Burgeroom (美麗華廣場1期) (已結業)

平時最鐘意就係食Burger，今次就黎食巨型Burger!美麗華廣場2樓呢間burger room裝修非常美式。今日晏晝嚟見佢做緊lunch set，burger加30蚊就可以配薯條同汽水。呢度係半自助形式既，你坐低咗揀好嘢食先至埋counter畀錢，唔洗加一服務費，俾完錢坐定定就有侍應送上漢堡🤤🤤🤤我哋嗌咗一個雙層牛肉芝士漢堡同一個大烤菇芝士牛肉漢堡，所有漢堡都係即整既，坐咗大約十至15分鐘度就有侍應送上漢堡啦！漢堡真係超大個，好似塊面咁大😆😆😆每塊漢堡扒都超厚身，而且都超juice，配埋半溶既芝士一流！！大磨菇牛肉漢堡塊菇都超大塊！好香菇味，烤得岩岩好，香得黎仲保留到菇汁！中間既蕃茄同生菜都好新鮮！食完一個咁大既漢堡包真係飽到上心口🤣🤣🤣，超滿足啊！